BokBok

敏感到痴肺...又紅又腫 一敷上面3分鐘已經頂唔住即刻飛奔去過水，之後仲要睇醫生搽幾日葯先搞番掂啲敏感! 雖然有人話，忍一個禮拜後ok..但做乜要咁辛苦去「適應」佢先?? 又保唔到濕，無效又貴，貼錢買難受麼!!!

一啲都唔潤 搽完一陣就乾晒、不停補都係甩皮 又貴 係我用過最差嘅潤唇膏

新買，只搽咗一晚，未知去紋效果如何。 買咗返嚟先知，原來開封後要雪入雪柜，有啲麻煩。 奶白色水狀。搽完少少笠笠地，未見 dramatic effect。 質感同Bobbi Brown 支 Intensive Skin Supplement 差唔多。

Gel cream質地 本身皮膚似沙漠，即使夏天，有啲位都會甩皮。一搽上面已吸晒，搽完覺得清爽，唔會表面令立立有層膜咁，證明真係滲到晒入去。開住冷氣瞓成晚，第二朝起身都無抽乾，仲柔軟咗細緻咗。 價錢都係偏貴，3百幾蚊，得嗰細細罌，去屈臣開佢盒tester睇下就知。啱啱新買，未知用到幾耐，日後再報告。 由於無加香料，有少少面霜原本嘅味道..唔算好聞，但又未至於臭，況且陣味都好淡，搽完已經聞唔到。 個人覺得保濕效果好過Clinique Moisture Surge(唔夠保濕，搽完等於無搽，照樣甩皮) 好過Biotherm Aquasource Non stop 綠色嗰隻 gel cream(搽上面拿拿地，塊面因刺激而出現少量紅疹同敏感。搽完只覺得表面掹住層嘢，底層仲係覺得乾) 更加好過H2O 8杯水(問題同Biotherm差不多，但更差)

洗得好乾淨，約一粒黃豆份量已夠洗晒全面。比一般洗面膏保濕。本身皮膚好乾，但用完塊面都無繃緊、無敏感。清爽好啱夏天用。

好用，即使化濃妝 + 防水mascara，過一次就乾淨晒。質地清爽唔笠。隻油唔太杰，順滑易推，但又未至於太稀流到周圍都係。本身皮膚好敏感，但用完佢好舒服，皮膚唔會乾，加上冇香味冇色素，完全唔刺激。 唯一缺點係貴咗啲，$220/150ml 我覺得呢隻好過Shu Uemura粉紅色櫻花落妝油(太稀、落mascara同眼線通常要兩三次先乾淨) 更加好過Fancl(太杰難推、味道好臭!)

試過Bobbi Brown多隻粉底，有fluid、cream compact、同stick，幾隻都勁差，質感粗糙。厚、搽極都唔勻、遮瑕度唔夠、好易溶。搽上面後睇到好厚好粗糙，我係偏乾皮膚用cream compact同stick都好油，上咗碎粉都好快甩好溶。甩到一噠噠，補妝都補唔到。fluid就乾，好難上，一樣係好快甩妝，最得人驚係，夏天出汗時會流出白色汗...好恐怖! 唯一好處，係Bobbi Brown啲粉底相對唔會出太多粒粒。

唔係嘛... 見啲人講到咁好，走去柜枱試 一搽已經覺得好厚身，我一直都喺冷氣商場，都feel到又笠又焗， 半個鐘後頂唔順走去廁所洗面

正確，消委會已證實驗出含致癌物質，超出中國及國際標準。買了的sis不要搽...

Remedy, LaPrairie粉底好啲定係LaMer好啲? 我買咗LaMer cream foundation，遮瑕係好，但太厚同焗、好快甩妝、連續用一排會爆瘡。我皮膚敏感、好乾，想揾隻foundation遮瑕度高但望落又似透薄的，邊隻牌子係best foundation?

麻麻哋，第一日用好似好神奇，因為質地似mousse咁滑，又夠厚遮瑕一流。但齋搽佢膚色好暗啞，一定要再加有閃令效果的碎粉喺面先ok。晏少少就覺得好厚好焗身，又唔long lasting，而家都未夏天，但個妝未過半日就開始甩同溶，再補碎粉又覺厚，甩到一忽忽咁。同埋搽咗半日就覺得塊面有些少拮拮哋想起敏感...可能係焗住，加埋街上啲塵。連續用咗幾日後，明顯爆多咗瘡。有啲後悔，當初應該買支fluid，嗰支稀啲同埋有閃粉，試上面時好似冇咁暗啞。但個sales話我皮膚好乾，用cream潤啲喎...結果係笠、焗、溶。至於fluid會唔會一樣起敏感同埋甩妝就唔知喇

唔掂，聲稱「透明」，但搽咗會變白臉囉...又杰又笠，因為又厚又焗身，用緊嗰排成日想谷粒粒咁，我本身並非暗瘡皮膚。 唔好用，用咗半支，舊年夏天未過已經唔想再用。 唔會再買呢個牌子嘅防曬!