我會畀2分係因為我同時都用緊另1個韓國牌子嘅暗瘡貼，對比之下呢隻暗瘡貼真係非常之唔好用。首先佢好厚，唔好諗住可以喺上面落concealer或者foundation遮，係絕對冇可能，而且佢係偏硬，唔係太flexible，鼻翼位鼻樑位係冇可能會黐得貼服，而且有時黐耐咗啲邊邊位會自己甩開咗，瞓覺之前黐嘅話有90%機會第二日起身會唔見咗張貼。題外話講吓，暗瘡貼本來就係只針對開放性暗瘡，即係你唧過佢或者佢已經出緊膿張暗瘡貼先會吸到嘢，如果係封閉性暗瘡（例如石頭瘡）你黐幾耐都冇用，不過曼秀雷敦呢隻暗瘡貼用落感覺特別容易留印，次次黐完粒暗瘡係就係扁咗，不過粒暗瘡會變到比平時更加紅更加黑，個印有排先褪得走，我用其他暗瘡貼都唔會咁，結果用咗幾張我就成包扔咗。

第一次用暗瘡貼，本身都用開曼秀雷敦既痘痘系列（?）見未用過咪買黎試下，塊痘痘貼都幾厚身，痴落都唔太覺有暗瘡，不過都係唔慣，唔會回購了。

尋日見到70蚊2盒就買黎試下 之前見屋企用開3m果隻都有效 Acnes又出開抗痘痘產品就試下 第一次用覺得佢d黏力都幾好 就算我敷完mask乾哂再用力洗佢都冇甩 但系貼左10幾個鐘都冇佢既塊野會變色同收細到

我幾鍾意出暗瘡果時選用痘痘貼，呢隻不錯，質地貼薄唔焗促，不易甩出嚟，顏色夠透，近膚色，痴响塊面唔會一望埋去太突兀。處理暗瘡效果好兼夾衛生，抗菌吸膿，仲阻隔外來污染物，好得都快趣D~~

痘痘貼我印象中試過好幾種。之所以會試曼秀雷敦系因為佢痘痘系列做得幾好。不過我對呢盒痘痘貼印象麻麻，因為我試過3M個盒，覺得呢個痘痘貼比較厚，唔算好貼服，對於痘痘既治療一般啲。

這款痘痘貼貼上患處後, 痘痘的顯現度有8成, 差不多完全遮蓋, 但因貼片本身略為厚身, 貼後還會容易發現痘痘貼的存在! 至於吸收分泌物效果也不錯, 翌日起床, 痘痘貼還貼服在患處上, 沒有脫掉, 黏附度只屬中等, 容易撕下! 唯一不滿意是痘痘貼不能全部是同一尺碼, 可能我每次長痘子時都挺大粒吧, 令大部份較細尺碼的痘痘貼沒有使用的機會!