見到呢度咁多業配文都唔知寫唔寫review好，因為我真心覺得呢支精華唔值呢個價位。首先呢支精華係oil based，所以油眼人或者成日眼底生油脂粒嘅人就唔洗考慮用佢，因為佢偏油狀所以吸收慢，不過好易推，等佢吸收完之後表面都冇話會有痴笠笠嘅情況。不過我係油眼人，搽完佢之後瞓醒第2日會feel到隻眼好heavy好唔舒服，會好想洗走佢，我而家係用另1支精華嚟dilute呢支精華用，至少而家上到眼個感覺可以接受。未開始dilute之前我keep住用咗大半個月，除咗眼底滋潤咗摸落滑咗之外我就冇其他感覺，笑嗰陣都仲係見到細紋，黑眼圈冇淡過，眼袋都冇細到，firm up效果亦都係冇。我另1支4xx蚊嘅精華都好用過佢，至少我真係即時見到個效果。

本身被黑眼圈問題纏繞多年，試過好多產品都冇用冇改善。所以想試一試呢支眼部精華睇吓有冇效。點知出奇地令人眼前一亮用咗短短一星期就見效！ 佢嘅質地水漾，顏色為淡黃色，好快被眼周皮膚吸收，配合手指輕輕按摩，亦覺眼部疲倦得到紓緩。大約一星期後，黑眼圈色素明顯減淡咗，有時唔使搽遮暇膏都出得街～ 所以會keep住用！ 而且成支都幾大支，就算日日用應該都用到1-2個月，性價比好高！

我平時很少使用眼部產品 一來懶XD 二來怕過度滋潤的成分會令眼周皮膚生粒粒 之前中過不少次伏 但這個Bicelle Advanced C Eye Serum給了我很大驚喜 首先質地有別一般眼部護膚產品 是偏水狀的質地 搽上眼部周圍打圈後很快吸收 沒有局促的感覺 之前用過的眼部護膚產品大多都偏笠 但這支精華完全沒有 更重要的是精華含有維他命c 相信我的熊貓眼很快有救了

黑眼圈、眼紋、鬆弛最易出賣年齡秘密，所以我一向都好注重眼部肌膚，今次試用嚟枝Advanced C Eye Serum 含7%左旋維他命C 及10%透明質酸，可以去除眼紋及提升眼部輪廓及彈性。 由於有維他命C所以我只在夜上用，質地好水，搽後有微熱的感覺，輕輕按摩精華輕易吸收哂及即時感覺到緊緻。

一向都對Bicelle的產品好有信心，因為好多時做完光學療程，美容院都會用上佢地的產品。今次有幸可以試到Bicelle Advanced C Eye Serum全效維他命C護眼精華，雖然質地比想像濃厚，但都算水潤易推，估唔到都好快就完全比肌膚吸收，仲一D都唔笠，好清爽。 每次用上兩至三滴塗於眼部，雖然潤，不過用左一排都冇生油脂粒，感覺都幾可靠。塗抹時配上按摩手勢，即時為肌膚消除疲勞，同時為眼部注入營養！ 用後一個多星期，眼紋有一點點改善，而且更為緊緻，相信日子有功，加上產品的抗氧效能，眼部的衰老得以延緩，眼仔更精靈呢：）

我一直很喜歡Bicelle這個醫學品牌，這次有幸試用BicelleAdvanced C Eye Serum全效維他命C護眼精華， 使用效果令我喜出望外。 我使用過好多眼部精華， 很多產品在持續使用後都未能表現理想， 或者只能讓眼部肌膚不再惡化下去， 但未能做到逆齡的效果。 而我使用 Bicelle全效維他命C護眼精華後， 能顯著減淡黑眼圈的色素 ， 幫助我擊退眼紋和鬆弛的問題。 原來它蘊含高達7%左旋維他命C及葡葡籽萃取物等醫學級成份能中和游離基，給眼周細嫰肌強效抗氧保護，並促進骨膠原增生，撫平乾紋眼紋及提升眼部輪廓，令眼肌回復緊緻彈性。 這支眼部精華值得我入手。