自從有左佢之後,我就可以日日做面膜喇~!!! 並唔係因為我好勤力,而係因為SOFINA 呢枝Alblanc Medicated White Create Massage Pack 真係好好好好方便呀~~~
我諗我0既見聞真係少呀,因為我係未用過一支產品係可以集合「按摩+面膜+潔淨」於一身架~! 大家話係唔係好方便呢? ^^
先講一下我對呢枝產品0既感覺同埋佢0既效用先~
按摩:濕手濕面,取一粒櫻桃份量,均勻塗上面,根據圖示,約按2-3回(大約按1分鐘),產品質地柔滑, 延展力強,故按摩過程好順滑,氣味清幽幽的,慣左按摩0既手勢之後,合埋眼按感覺仲正,好relax。
面膜:按完面後, 敷3分鐘。
潔淨:敷完後用清水洗,清潔功效OK,真係唔需要再用潔面產品都夠乾淨,而且用後皮膚唔會乾,仲滑左tim。
整體功效
用左3星期, 我覺得白左, 而今次白得來, 係透紅明亮的白, 肌膚有光澤左, 我估係因為配合埋日日按摩, 初時有d 驚日日按摩會爆瘡, 因為我試過做完 facial 後即爆瘡, facial 姐姐話可能皮膚唔係咁適合按得太耐, 但今次日日按都冇副作用喎, 我估一係就係因為d按摩產品成份0既問題, 又或者可能係每次按都唔好按過量 (物極必反呀), 所以我得閒d 果日都係按2-3回就收手。
背後原理
SOFINA 美白產品有佢獨有的美白技術:
專利美白有效成份「洋甘菊ET」,而且產品仲有潤白活性成分、尤加利精華、白樺樹精華、柚子精華等等。
「洋甘菊ET」可以消除「製造黑色素」的訊息,美白肌膚,配合埋每日按摩,可以促進血液循環,所以就可以白得來又透紅、又明亮、又潤澤。
SOFINA Alblanc White Create Massage Pack $420/125g,第一個感覺覺得唔算平,但諗諗下,其實1枝=3枝,而且產品做到3款產品應有效能,諗諗下,又好似幾抵用喎 :P