第一次用安瓶精華，覺得好新奇有趣！?原來平時用開嘅護膚品，開封之後用成幾個月，真係好唔新鮮?♀️
安瓶就冇呢個問題啦！因為佢係完全密封，係用之前先至即開即用，非常乾淨衛生??
提提大家開安瓶嘅時候，可以用一條厚身啲嘅毛巾啪開佢，然後用盒內附上嘅膠樽頭，套上安瓶上使用。咁就好容易好精準咁樣滴落去你想用嘅位置。
咁啱我呢排下巴生咗粒瘡瘡，好礙眼。我就洗完面用完爽膚水之後，直接將精華滴落去暗瘡位置。一滴完感覺覺得好潤，感覺淡淡清新好香好舒服?而且好快就吸收。
因為我想暗瘡加速好，所以貪心地滴多兩滴。暗瘡印真係有淡到?♀️我會keep住用喺面嘅局部位置，尤其係乾燥同埋有暗瘡印嘅地方。冬天用一定好啱用❤️
