收到產品之後，我就要去高等法院「返工」，因為被抽中咗要做陪審員。不過嗰排日日都要非常專注去聽審，又要諗清楚疑犯有罪家冇罪。責任重大，所以我都冇精神心機時間專心去試產品。
幸好，截止交報告前一星期就「卸任」啦（還好不是大 case）！咁我就即刻專心試清楚呢支 Dermastir 表皮生長因安瓶精華啦！
得返一星期時間，我頭三日就用 Dermastir 維他命 C 安瓶精華打返好個底先，等啲皮膚冇咁乾燥（有興趣嘅話，請移玉步去睇睇用後感吧）。
Dermastir 呢個安瓶樽算容易整得開，之前試過一隻厚得滯搞咗好耐，我都開唔到！另外，我係就咁倒啲精華出嚟用，用完先蓋返嗰個塑膠蓋；蓋住倒，根本係倒唔到出嚟嘅。唔影響產品效果嘅，我冇所謂。
短短三日，只係用咗一支表皮生長因安瓶精華嘅情況底下，到底皮膚可以改善到去一個點樣嘅程度呢？不多說，睇吓兩張相嘅 before & after，就一目了然啦！
首先，喺我塊面最顯老嘅虎紋（表情紋），有明顯減淡咗！而令我一直都好介懷嘅鼻樑眼鏡托位，都冇咁乾同膚質好咗，真係超感動呀！
話說，我一直護膚都好少搽呢個位，因為搽完副眼鏡會 sir 落去，我好憎。但後遺症就係而家呢個位啲皮膚特別衰老，之前用咗好多方法，連激光都試過，但都改善唔到。誰不知，Dermastir 呢支精華咁就搞掂咗！畀 5 粒星，真係唔係白白的給的。
其實我都照咗塊鏡好耐，望落真係後生咗，但又研究唔到，除咗上述講嘅兩點之後，到底仲有邊度改善咗呢？
換一個角度呀不如。謎底終於解開！
原來我之前一笑，眉心會打晒摺，眉心附近嘅鼻樑位啲皮膚都一樣會打摺（同屬表情紋）。用完一支表皮生長因安瓶精華之後，上述嘅呢啲情況通通都得到明顯改善！
你可能會質疑，你冇第一張相笑得咁用力喎！但實情係，兩張相嘅笑容都係差唔多㗎咋！你望望蘋果肌就知。
一望蘋果肌，嘩！飽滿咗呀！！！唔怪之得望落個人會後生咗啦！呢支精華我會長期備貨！誰不想要青春常註？
另外要提嘅，就係相片你睇唔出嘅觸感。而家摸落塊面好彈手，同以前真係差天共地！呢支精華真係好掂！再講多一次，我用咗一支精華，就有咁好嘅效果，真係超級 marvelous！amazing！wonderful！
最後講講佢嘅質地。佢比維他命 C 安瓶精華嘅質地厚，但都唔會覺得好黏「立」。但係倒出嚟用就會比維 C 難，希望呢點可以改善啦！不如轉吸管設計？應該會方便好多。
雖然佢質地厚啲，但佢同維 C 一樣，都吸收得好快！同樣地，有分 intensive 同 normal treatment 嘅用法。我呢啲中女，一定係 intensive 三日用一支㗎啦！不過我相信，假以時日，肌膚得到更好嘅改善之後，我有信心，我可以轉 normal treatment 去做 maintenance。
年過 25 歲嘅女士們，快啲試吓呢支咁正嘅精華啦！抗衰老真係越早越好、刻不容緩呀！
