有無諗過專業既護膚都可以向屋企做得到?今次要試下法國貴婦品牌Dermastir 。小小既安瓶係玻璃瓶,確保每一次開都係最新鮮!
呢支黃色既就係Dermastir Ampoules Vitamin C 維他命C濃縮精華,作用係美白抗氧化,主要成份係甜橙果提取物。維他命C係高效的抗氧化物,對於防皺、抗老及美白都好有功效。
微黃既水劑帶有微微橙香,好易推開,極易吸收,感覺非常清爽,好正!
然後我用埋Dermastir Ampoules EGF Oligo Peptide 表皮生長因濃縮精華,幫助肌膚全效抗衰老修復。
主要成份 EGF 係一種好勁既野,係可以促進細胞更新和傷口修復的抗衰老聖品。
唔好睇小呢支安瓶細細支,佢同其他EGF精華唔同,佢係高濃度配方,功效成份高達95%以上,真係好勁!
紅色既EGF精華帶有微香,塗上臉好享受;哈哈,質地比較稠,比起維他命C精華杰少少,但係一樣咁易推開,一樣咁清爽,超正!
2種精華係可以一齊用,用法一樣非常簡單,只要潔面&爽膚水後用,將適量精華塗於面上按摩至吸收,之後就再用面霜。
日常保養用每三天使用一次,如果想做深層護理就可以每日使用;連續使用一個月。
如果屋企有微針或導入儀器,呢2 款精華都可以好專業咁自己整添呀!
!!要留意,呢個維他命C濃縮精華之後要避免日曬,所以只可以晚間使用!
咁岩呢個時候轉季,面頰都有泛紅,令我好苦惱,用左Dermastir Ampoules 立即效果未有立即見到,但係第二朝起身有驚喜喎,見到自己泛紅既情況有改善,白淨左,仲滑左添喎,自己都忍唔住係咁輕撫自己的臉,太好啦!
雖然Dermastir Ampoules安瓶精華係貴啲,但係全線made in France,而且效果顯著,其實係物有所值架,只係一次就見到效果,好期待完成一個月既效果呀!