第一次成功抽中試用!
Snow Fox呢個品牌亦係第一次聽同用,知道佢係走天然有機路線,好感度大大提升。
最近皮膚唔係咁穩定,有少少泛紅,得知呢塊面膜主打穩定同紓緩,立即用上,試試它的威力!
第一個感覺係好涼浸浸呀~~ 原來佢添加左薄荷精油,可以紓緩皮膚。夏天用一流!
另外,佢既精華比較水汪汪,但敷上十五分鐘都唔會太乾。
經過十五分鐘後,發現精華大部份都已經吸收哂入皮膚,泛紅既雙頰得到改善,最大驚喜係連毛孔都收細左!
呢日太懶,只係加上護膚油輕輕按摩就去訓,第二朝起身皮膚依然水汪汪!
整體而言覺得好有驚喜!保濕,紓緩泛紅,同時收毛孔既一款面膜!