去睇護膚品，你最怕畀人問啲咩問題？我就最怕人問我係咩膚質。答案係好 complicated。喺幾個大品牌度都做過皮膚測試，普遍都係話我肌底乾到裂，同皮膚容易敏感，所以一直以來用嘅護膚品都係以保濕為主。但實際情況就唔係咁簡單：鼻頭油、額頭同兩個面頰都乾。咁即係混合肌？
之前用嘅護膚品，一直都解決唔到皮膚乾燥、我毛孔粗大、黑頭、易出油同角栓嘅問題。b.glen 呢套毛孔修護系列，係適合各種膚質使用，我都好好奇，佢係咪真係可以幫我解決到晒我以上所講嘅問題？
先講 b.glen 呢個牌子。佢最近喺日本各大雜誌都被熱烈討論著，亦都喺 cosme 榜上有名。上得 cosme 榜就真係信心嘅保證，實力不容置疑！
C serum 精華液：
呢支望落係水嘅質地，不過其實油感都幾重。不過又唔使擔心搽咗會堵塞毛孔，令暗瘡生得更多、面油更泛濫。
事實係，因為 QuSome® 嘅技術，佢同樣地吸收得好快。用呢支精華素嘅重點係在於，你需要配合按摩去使用。你全面搽完，再集中喺算同嘴嘅四周輕輕咁按摩，之後再全面按吓，你就會見到啲精華全塊面都吸收晒。
呢支精華我覺得好 amazing 嘅係，佢有高濃度（7.5%）嘅維他命 C，但質地卻係一啲都唔「立」痴痴！用過好幾個牌子嘅維他命 C 嘅精華，佢哋嘅質地都會偏厚同好「立」。b.glen 呢隻雖然油感偏重，但佢搽咗上面又唔「立」㗎喎！唔睇本 booklet，我根本就唔知佢係高濃度維他命 C 嘅產品！
呢支精華幫你平衡油脂，「一次解決皺紋、肌膚鬆弛、青春痘、痘疤、毛孔粗大、色斑以及肌膚黯沉等問題」。
試用組使用前：
• 額頭乾，有幼紋，亦都有好多暗粒
• 面頰乾又容易敏感，毛孔粗大
• 鼻頭容易出油，毛孔粗大，化妝用咗 primer 都會卡粉底
• 嘴角摸到好多粒粒，眼望會見到一條條白色嘅嘢突出嚟
• 面色偏黃又暗啞
• 皮膚整體乾燥又缺乏彈性，化妝唔貼粉
試用組使用後：
第一天：
• 係風暴嘅開始。要將皮膚嘅問題撥亂反正，你要有心理準備
• 今日用完個鼻出咗幾多油，塊面繃緊同「乸」咗好耐
• 感覺係有少少難受
第二天：
• 今日個鼻都會有少少油，塊面再冇繃緊同「乸」嘅感覺
• 額頭見到有啲一撻撻浮咗出嚟，唔知係咩嚟，又冇紅，唔似係敏感。
第三天：
• 鼻頭出油情況已經搞掂晒！
• 成塊面啲皮膚好健康，透出一層自然嘅光澤！呢啲就係傳說中嘅水油平衡啦！
• 眼鏡鼻托位嘅乾裂都修復得七七八八！
第四天：
• 嘴角皮膚一直都有啲粒粒，摸落好鞋手。今日意外地摸吓，滑晒！
第五至七日：
• 肌膚狀態良好及穩定，只係我化過妝，可能啲掃洗得唔夠乾淨，所以呢兩日生返幾粒瘡 ? 不過呢啲瘡好快都謝咗；平時唔係用 b.glen，最快講緊要成個星期先會謝。
• 肌膚整體望落透白，有光澤，以及比較飽滿、有彈性。
• 意外地，個雙下爬都冇咗 ? jawline 出返晒出嚟！！
• 額頭幼紋淺晒！
• 鼻翼位啲窿收晒！冇晒啦！係得返正面有少少未收到住。7 日有咁嘅效果，係絕對令人十分驚喜！
• 化妝唔用 primer，鼻頭啲窿都可以用粉底遮到晒，而且仲唔會再卡粉㖭！
• 之前皮膚乾，再加上冷氣抽乾皮膚水份，我基本上搽完護膚品，隔唔到一個鐘我就要補 cream，但依然覺得好乾（係肌底乾，護膚品又滲唔到入去）。而家開足 24 小時冷氣，呢 7 日都冇補過 cream！
如果你睇完我嘅分享都想試嘅話，凡係第一次惠顧嘅朋友都可以買一次試用組嚟用。
如果你唔肯定啲產品係咪真係咁啱自己用？原來 b.glen 有問診服務㗎！我都十分認同佢所講：「請不要獨自在失敗中反復摸索！」我就係人版！試咗好多唔同牌子唔同產品，試到而家用咗 b.glen 先總算搞返好啲皮膚！所以有興趣問診嘅朋友，可以電郵畀佢哋呀：
[email protected]佢哋有好幾款針對性嘅產品，我嚟緊都想試吓佢啲淡斑、抗皺、提拉嘅產品！上佢個網站先發現，原來美白牙齒嘅產品佢都有！呢樣我又係極需要！大家有時間都上佢個網發掘吓啲產品呀：https://www.bglen.hk/zh/
呢個 7 日試用組，我支精華就已經畀我用晒啦！其餘 3 支就仲未用晒。即係話，一支貨裝，基本上都可以用到大半年（精華可以用到 3-4 個月）。$369 一支，你預一年 3 支，$1,200 不到就可以用足一年、靚足一年啦！
