隨著就快三十歲,發現眼角細紋多咗。之前一直有用KANEBO嘅日霜,覺得質地好舒服又保濕,所以就諗住佢哋嘅晚霜應該都唔差,點知一試之下真係超出預期咁好用!
呢支KANEBO 滋養緊緻修護晚霜最正係塗完之後會形成一層「夜間修護膜層」,彈性好強又好貼服,完全唔會覺得厚重或者黏笠。質地豐盈絲滑,一搽落去就慢慢融入皮膚,形成厚實嘅保濕屏障,成晚都鎖住水分唔畀流失。
裡面有煙酰胺(Niacinamide)幫手強化皮膚屏障同促進膠原蛋白生成,用咗幾個星期之後,細紋真係淡咗啲,皮膚摸落去光滑咗好多,彈性都回復咗唔少。
最開心係朝早醒嚟嗰陣——皮膚飽滿彈潤到自己都想多摸幾下,仲有種自然柔軟光澤,整個人睇落精神好多!尤其冬天或者開冷氣房,之前成日覺得皮膚乾到起屑,用咗呢支之後全日都覺得濕潤舒服。呢支KANEBO滋養緊緻修護晚霜絕對值得試!朝早醒嚟皮膚狀態好好,仲有好舒服既香味,每次搽都係畀自己嘅小確幸~