PeterThomasRoth青瓜補濕面膜成份超天然,含有多種的草本精華,性質活和,敏感肌都用得 聽聞做完美容療程一樣都用得啊!
青瓜面膜好青bb似啫喱,質地同韓國嘅蘆薈面膜相似,延展性好好。我皮膚屬於混合性肌膚,t-zone容易出油,我覺得PeterThomasRoth青瓜面膜好岩用,用完之後功效好過韓國蘆薈面膜十陪!
面膜功效:
天然保濕因子:保濕、防乾
蘆薈: 舒緩、鎮靜及補濕
洋甘菊:舒緩
我用咗PeterThomasRoth面膜三次,分別用咗唔同嘅方法,發現會有唔同嘅效果出現:
(1)厚敷面膜 - 可以令到皮膚即時冇咗脱片嘅問題,感覺係皮膚底層注滿左水份,係急救使用嘅好方法,而且皮膚好似好乾淨!敷完後皮膚軟化,係推岀黑頭粉刺嘅好時機。
(2)冷敷面膜 - 係使用前取出一次面膜嘅份量放入雪櫃15分鐘,取出後立即敷係面上,皮膚有清涼嘅感覺,可以舒緩敏感,而且去完郊外泛紅問題都解決到,最終都無因曬傷而脱皮,超級讚。
(3) 睡眠面膜 - 薄薄係面上敷一層面膜就可以去瞓覺,面膜超快吸收,唔使擔心會整到頭髮枕頭都係面膜,亦唔會癡粒粒,第二朝起身面部出油嘅問題減少,皮膚好水嫩。
對於混合性皮膚嘅我黎講,青瓜面膜保濕程度非常適合,係潮濕天氣同夏天嘅時候一樣用得!