含微防曬度數既日間守護蜜粉，粉質細緻柔滑，可以有效遮蓋毛孔同色斑，而且持久性非常好，可以維持到整天不脫色，亦幾滋潤。

粉底幼細柔滑，非常易推開，都頗貼服，服嚟定妝嘅效果就一般，唔覺得妝容貼服，而且用完唔覺得貼膚，反而覺得好嚡身，而且hold唔到妝容。

效果好一般，貼服度都算OK，但持久度唔得，好快又要補粉，而且感覺唔夠透薄，有少少焗促感，不過好處係唔會好乾，皮膚都有水潤情況，遮瑕度一般，遮唔到粒粒同班印。

我refill左2次, 覺得幾好用.隔4,5個鐘都未出油; 我用自然色, 隻色都幾o岩我(我屬於健康膚色); $150/包refill, 都合理. 唔好地方都有, 可能我皮膚偏乾, 用左之後, 好覺d細紋, 我打底時要著重保濕; 同埋, 隻色比較啞色.

好好用！我係油性皮膚，但有時皮膚都會覺得乾。我搽完冇色防曬就搽佢，即刻好似用左粉底咁，有少少少少遮遐，遮黑眼圈都ok。放工補一補就ok喇，不過如果我冇咁懶，應該食完lunch就補，因為出左油既地方要補番先靚d。試過搽濕粉重手左，用佢即刻ok哂！ 佢唔會好似loose powder咁乾，爽得黎又濕度高，d粉質感好好，塊面好滑，用完好舒服。 用佢唔用粉底係因為貪方便，o係塊面印幾印就出得街，快過搽粉/2 way好多！而且就快用哂，唔覺皮膚有差左，已經覺得好夠喇。 不過個包裝差d，個case太大，而且o係街補妝時要扭開中間個蓋，麻煩。但如果換另一個盒又係麻煩，所以都係算數。

我用街買那些細細個的粉盒仔裝出街. 但間隔層的小孔都被粉末塞住了, 要把間隔層拿起才可以用. 明顯這些粉比一般乾粉濕度高很多. 所以用了不會有乾的感覺. 貼面程度就一般喇. 也不覺它能護膚. 但平時一上街便立即出面油的我, 用了這粉五六小時後才開始出油, 而且不傷皮膚, 這已很好了.