清潔是肌膚保養最重要的步驟,也是擁有健康美肌的關鍵;所以我好注重深層清潔,就是將毛孔污垢清洗乾淨。
其實皮膚會自行褪出老廢既角質層、汗水同油脂,只要將這些都清潔乾淨,就即係向健康美肌講進了一大步。
原來有個面膜好新奇,MALIN+GOETZ Detox Face Mask,made in USA。
佢係一個簡單既五分鐘發泡面膜, 當凝膠與空氣接觸時,凝膠就會開始起泡,幫助皮膚排毒。主要成份有複合氨基酸和天然杏仁提取物,可以溫和有效地淨化,平衡和舒緩肌膚,仲有維他命C,綠茶提取物、抗氧化維生素E作為抗氧化劑,大豆蛋白,角鯊烯幫助滋潤同埋保濕。
注氧泡活排毒面膜可以有效帶走皮膚雜質及污染痕跡,同時形成密封保濕的屏障,幫助皮膚抵抗暗淡膚色。
打開包裝,睇落同普通面膜差唔多咁,有香香既杏仁味,質地好細滑,極易於肌膚上推開。
塗上臉好快就起泡泡啦,真係好得意呀, 仲會愈黎愈厚添。
好快就5 分鐘啦,用溫水洗淨;感覺非常清爽,好似皮膚光亮左,感覺立刻滑左,仲有皮膚感覺超級乾淨,容光煥發,係因為泡泡將我既死皮/老角質都帶走左,仲將毛孔內既微粒細塵都帶走埋。嘩,仲好似有層保護膜咁呀,好滋潤喎。
我立刻就愛上MALIN+GOETZ Detox Face Mask, 用法簡單又有效。