今次要試用o既產品係鑽石拉提噴霧,聽個名都覺得巴閉! 噴霧入面含有瑞士研制o既鑽石能量粉同埋高納米金,講我都唔明架喇,不過呢句我明喎,佢話可以迅速滲入皮膚,可以增生膠原蛋白,提升輪廓同撫平細紋架。
其實我冇乜皺紋,但呢件並唔係一件值得高興o既事,因為我天生面皮勁,,,,,,,厚!因為面皮厚同多肉地,所以都唔會咁容易出現皺紋。之不過,隨住年紀越黎越大,塊面d肉地已經冇以前咁有彈性,再加上地心吸力,塊面個輪廓開始慢慢消失(淚)
一於的起心肝試用呢隻噴霧一星期,睇下佢有幾堅秋先!
首先講下佢質地,其實質地好似普通爽膚水咁,而且佢無色無味,用上面唔會有任何感覺。
佢用法係,早晚使用,先上爽膚水,然後就將噴霧噴勻全面,途中唔洗按摩或者推開,等皮膚自然吸收。
開始時我都會諗,下,水黎架喎,唔按摩下塊面,等佢自己吸收咪有排等?
點知原來佢被吸收得好快,大約30秒左右已經被皮膚吸收曬,好厲害!
再補充多少少,我自己皮膚係幾容易敏感嘅,但係我用呢隻拉提噴面都冇出現任何唔舒服或者敏感反應。
噴完拉提噴霧之後,可以繼續上其他護膚品。
終於用完一星期喇!
再影返張相比較下先,用完之後,右邊面係firm左喎!面珠登舊肥肉確實係緊緻左,唔對比返before and after 自己真係唔知道原來效果咁好!再篤下塊面,確實係有彈性左!
我唔敢講話佢效果係好驚人或者好明顯,始終呢個product係當一個保養品咁用,當然你唔能夠同微整形嘅效果相比,但係以佢嘅價錢同效果黎計,cp值又真係幾高嘅,最重要一樣野,呢支噴霧使用方便,早晚噴一次,就算去旅行,都可以用,o岩曬我呢d又懶又怕痛嘅人!
用左七日已經有效果,我會keep住用,希望睇到自己V面重現!
