入到秋冬，皮膚好易乾燥，每日除咗用補濕精華外，仲要按時補擦好多Cream，無辦法啦～要Keep住皮膚靚靚就要落啲功夫！今次好開心收到聽講喺香港熱賣嘅韓國NAUNI 雙重修護抗皺面膜試用，一盒有10塊，要試試係咪做到補水緊緻先！

按返我性格，用上面嘅任何Products一定要做好Research，睇返產品成分，見到面膜含有多種肽和腺苷嘅緊緻配方，能夠延緩肌膚老化之餘，仲可以緊緻返面部輪廓，最最緊要係預防細紋、皺紋產生，加上多種花精華提取物和積雪草，可以喺皮膚表面形成保護層，對抗外來污染物，仲有效修復肌膚，配合維他命B5和甜菜鹼，幫皮膚加強補濕！

咁我用完一塊之後發現皮膚水嫩有光澤咗，無咁乾，已經好幫到我呢位「缺水」人士，Haha～至於緊緻效果可能要用多幾盒先見到效果，但以補濕嚟講我都十分滿意啦！另外，有興趣朋友仔可以試下敷完之後再配合簡單按摩手法，幫助吸收，效果更好！