Too Cool For School既化妝品一向都係玩味濃，感覺上佢既質量都係一般般，但經過今次試用佢地既白滑雞蛋提拉緊緻面霜之後，我對呢個牌子完完全全地改觀～

Too Cool For School 白滑雞蛋提拉緊緻面霜呈黃色，而質地就好似cream狀，但好杰身，仲可以好似cheese咁拉到絲出黎，感覺上好rich～但搽上面就易推開，輕輕按摩一陣就吸收晒，滋潤得黎又唔笠，肌膚既光澤感仲即時提升，摸落嫩滑左，肌膚中既水份仲得到即時即提升，效果唔錯，比想像中好好多添～呢隻cream我會選擇夜晚搽，咁一起身就可以潤、白、彈、滑，塊面仲firm左，冇咁包～上妝都易啲，塊面睇落都瘦啲～一起身，肌膚就好似剝殼雞蛋咁～正！

至於香味方面，味道比較濃，仲好long lasting～可以keep到半日，友人仲以為我搽左香水添^_^但對於鼻敏感既sis黎講，可能就未必係一件好事啦，我建議有鼻敏感或者敏感肌既sis先試一試，因為陣味未必個個都接受到架～