天氣變凍嘅同時啲皮膚愈來愈乾，因為本身好怕啲body cream 會搽完好黐笠笠成個日都好唔舒服，所以一直都用開比較水嘅cream薄薄搽，但奈何去到瞓覺嘅時候保濕鎖水力已經大大下降，所以好易就會開始感覺到痕同敏感情況，搽完好似無搽咁！最近就試用Eucerin呢款body cream，質地凝膠狀睇落少少厚，但搽落出奇地清爽，而且易推開，超輕超快吸收到，重點佢成份97%都係天然，當中有維他命原 B5 、pH5 檸檬酸組合同埋向日葵籽油，係深層保濕同時平衡肌膚 pH 值，有效舒緩同埋保護肌膚。我每次沖涼後都會搽一次，就算去到第二日下晏都水潤唔會乾同痕，用咗大概2星期已經feel 到佢長效保濕嘅效果，皮膚keep水嫩，敏感、乾痕問題無哂！