老化角質層既積聚、角質層過厚都會令皮膚睇落暗啞無光、粗糙枯黃、塗幾多幾好既護膚品都吸收唔到，但過份去角質層，令角質層過薄就會令皮膚欠去保護能力，甚至會變成敏感肌~所以定期同適當咁去角質層係好重要架~

Kate Somerville既速效柔亮更新面膜一直受不少荷里活巨星愛戴，而且聽聞效果十分顯著添~呢隻面膜係深綠色，入面有好多好似砂糖既磨砂粒粒，而隻味好香，聞住好舒服~每星期用一次就夠架啦~我就會洗面之後襯塊面仲係濕濕地既時候，加上 Kate Somerville既速效柔亮更新面膜係面上按摩30秒，記得份量唔需要多同要輕輕按摩並要避開眼周，如果按到乾可以再加少少水，之後就敷2分鐘，敏感肌可敷1分鐘，然後洗乾淨再完成護膚程序就可以架啦！

用後皮膚唔會好繃緊，但亦唔會有好水潤既感覺，感覺啱啱好，加上肌膚立即變得細緻有光澤，趕走枯黃暗啞，感覺上之後塗既護膚品仲吸收左添~仲有啲白頭、黑頭都浮晒上黎，可以順便清潔埋~真係好正呀！但切記唔可以貪心，一星期用一次就夠架啦！