咩價錢就有咩質素，HKD80（特價）呢個價位嚟講我諗都係得L'Oreal最好用，佢都絕對對得起呢個價錢，不過我會寧願加多少少錢買支更加好。首先講講個texture，雖然紅蓋係for中性至油性髮質，不過我都係覺得好笠，我仲要淨係中性髮質，half pump搽晒全部髮尾我都覺得太多，特別係香港咁潮濕，搽完幾個鐘髮尾好易會乸埋一舊。見佢咁笠，我以為佢會有返相應程度嘅滋潤，不過佢嗰種笠淨係得個油字，唔覺得有咩修護效果，用咗一排我髮尾啲開叉位同九曲十三彎位都唔覺得有改善到，所以用咗半支我就扔咗。之後我搵到另一支HKD2XX嘅髮尾油（廢事有人話我係打手唔開名），手掌捽開感覺輕薄好多，夏天用都冇問題，搽咗1個禮拜我髮尾已經好咗8成，所以髮尾油我真係唔會慳，亦都學識咗髮尾油唔一定係越笠就越有修護效果。呢3分係畀佢嘅香味，陣味都keep到幾耐吓。

淡淡地既香味令身邊既人都讚幾好，呢一走修護美髮油可以有效令秀髮做到極致修護效果，用後髮絲亮麗，做既時候都好舒適，無論中性至油性及染後髮質都好適合用，所以物有所值，唔錯。

經常染髮既我成日都有開叉乾旱髮尾問題，而且經常打結，而呢一隻美髮油嘅好處係可以即時潤澤乾燥頭髮令打結問題解決，即時可以令頭髮柔順易梳同時帶有少少洗頭水嘅香味，又唔會有好黏笠感。

最近髮尾有啲開叉，揀咗呢隻護髮油試下，主要係見佢寫住適合中性至油性髮質較為啱我用，質地確係幾清爽，髮尾開叉都修復得幾快，不過試過重手咗或者搽得太近頭皮位置都有少少笠。

適合中至油性同埋染髮後既髮質使用既昇華修護美髮油，佢既質地好輕柔絕對唔油膩，可以提供都頭髮所需要既養份，用咗之後修復度好高。

早排有朋友介紹呢隻產品俾我，呢隻產品適合中性至油性髮質人士使用，佢既外型令我好鍾意，氣味清香，價格合理，性價比不錯。