Urban Decay既眼影好用已經聽過好耐，顯色度高&持久，今次ms.C試用既都係同Eyeshadow有關，就係眼影底霜。有人會問，點解眼影都要用底霜，你睇下以下體驗就會明白。今次體驗既4款Urban Decay眼影底霜，全新色調包括：Original (自然)、Eden (啞色祼妝)與 Anti-Aging (潤澤色調)及Minor Sin (香檳閃金)，可以配合唔同既需要。將眼影底霜，唧上手Feel到底霜細緻幼滑，質地水潤，唔會太乾。由於佢嘅質地柔滑而且水潤，足夠可以填補皮膚表面既紋路，減少皮膚凹凸感，試用嗰時，將眼影底霜用係手上唔使打底，可以填平手上細紋，上眼影果時會更加順滑，冇咁易卡粉。自然（偏粉） vs 啞色祼妝（象牙） vs 潤澤色調（偏深） ，感覺有少少似係粉底液咁，不過就唔同顏色，可以平日普通化妝時用。香檳閃金就係有珠光色，可以用係化晚妝打底用，可以提升眼部嘅輪廓突出眼妝

--

我用上珠光深啡色既眼影做測試，最上面就係冇用眼影底霜既眼影，顯色度較差，顏色睇落有D散，而且唔平均。由左至右，係自然、啞色祼妝、香檳閃金、潤澤色調。

Original (自然): 用上手來講呢款最易推開，顯色度比冇用眼影底霜嘅顯色，一般化妝來講呢個顯色度應已經OK

Eden (啞色祼妝): 顯色度比起自然更加顯色同實色，將原本眼影有嘅珠光顏色更加顯然。

Anti-Aging (潤澤色調): 呢款底霜加上眼影，頓時變左啞面效果

Minor Sin (香檳閃金): 本身眼影有少少珠光閃閃地，配合埋底霜本身的珠光咖色，眼影顏色有少少改變，變得更閃，仲有少少漸變效果。

--

相信用上眼既話，持久度都幾高，因為用上卸妝水抹左3次，上面既眼影已經抹落，Urban Decay眼影底霜就依然見到，持久度高。