老實講,今次嘅試用係我最唔期待嘅一次。
點解?!原因唔係佢唔好用,而係因為今次嘅試用品係陪伴咗我年半嘅SK-II 神仙水!
以前我會覺得佢起依個名好自大,但用咗年半我之後完完全全認同佢個名。「神仙」二個字絕對冇誇大!
我由細到大都好黑,黑得嚟又無光澤又唔均勻,一噠一噠咁,成日都比人笑我似「賓賓」.......青春期之後仲衰,因為面上留低咗超多青春嘅痕跡「痘疤」。無論我查啲咩都冇用......
直到我用咗神仙水之後,膚質先有啲改善。起碼唔會再生暗瘡。雖然皮膚仲係一啲都唔透亮,但色澤慢慢變得均勻咗又白咗,痘疤都已經消失得七七八八!
除左日常使用之外,我仲會用佢嚟做皮膚急救。係大時大節,玩樂盡興之後,皮膚免不了會有啲殘。只要用神仙水完全浸濕化妝棉之後,敷上臉十分鐘,皮膚會頓時變得水潤。要上個貼服嘅妝?毫無難度!
用左佢之後,真係無辦法再轉用其他牌子啦!真係着咗魔!