SK-II Facial Treatment Essence護膚精華
SK-II神仙水係人都識!! 不過又有好多人話太早用神仙水,大個左之後就用乜都冇效。但其實唔洗擔心, 已經有研究證明, 神仙水係適合20-59歲唔同年齡層既肌膚! 好野梗係早用早享受啦*V*
SK-II長期銷量No.1既皇牌梗係神仙水啦,佢蘊含超過90% Pitera,只要用14日就可以改善膚質! 令色斑不再明顯、減淡細紋及皺紋、膚質變得更細滑、更緊緻,煥發動人光澤。聽到咁多好處, 梗係令人好心動啦, 立即用下睇下效果如何先。
我會用化妝綿倒1蚊銀既份量輕抹全面同全頸(千其唔好漏左頸呀, 有頸紋睇落真係老D架)
之後就用化妝綿既另一邊, 將餘下既神仙水輕拍全面同全頸
因為神仙水不含水銀、強酸、酒精等成分,唔會刺激皮膚,就算係敏感肌都有得架! 最勁既係連眼同咀唇咁嫩既部位都用得架!!
留意番, 神仙水唔係化妝水, 係精華黎架! 只不過佢係水狀既護膚精華,所以會比一般精華更容易吸收,可改善皮膚多種問題並昇華至晶瑩剔透。雖然觸感同化妝水好似一樣咁,但功效會勁過化妝水好多架。
早晚1次, 用左幾日, 膚質光滑左冇咁暗沉。當然要做到明顯改善,變得晶瑩剔透, 要俾D耐性同時間! 好期待連續用14日後既效果。到時再同大家share!