一直以為，平時每個星期做一次磨沙或者 peeling ，就已經可以清潔好肌膚，但原來，磨沙同 Peeling 只能夠清潔皮膚既最表面。我地既表膚係需要為皮膚進行更新，要比皮膚既表層自然脫落，新既底層皮膚先可以”tun “出黎，完成皮膚既更新，如果舊既死皮同角質層一直 Hold o係度，皮膚會容易變得暗啞同生暗粒，而且吸收唔到塗上面既護慮品，咁就塗幾多護膚品都曬晒！
而本身都有聽過，果酸療程只係適合油性同暗瘡肌膚使用，所以自已係乾肌兼間唔中會敏感既就唔係咁敢用。
但係我睇完呢個 NeoStrata Gel Plus 更生活膚啫喱面膜既說明書，見佢係醫學品牌，亦說明乾性及敏感性肌膚均可使用，所以我就放心去試用呢個果酸 Mask！
而平時都會聽到，做果酸煥膚唔係要去搵美容醫生或者美容院，原來如果出去美容院做既果酸，佢既濃度係比較高D，係有 30%，而太濃或者敷得太耐果酸，會有灼傷皮膚既危險。而 NeoStrata Gel Plus 既AHA果酸濃度係15%，係適合係屋企，自己進行果酸煥膚療程，十分方便。
而用呢個 Gel Plus ，首先倒落一個容器，潔淨皮膚後再用佢附送既掃，首先掃上鼻、額頭、下巴，最後就掃上兩個面頰。佢既味道有小小唔好聞，但可以接受到，而剛開始敷既時候，有小小拮拮地，但屬正常反應，好快就會無。呢個 Mask 可以敷15 - 20分鐘，因為我係第一次用，所以我敷左15分鐘我就去洗面，洗面既時候已經感覺到塊面好以好軟綿綿咁！而我屬於乾肌，敷完呢個 mask 亦會乾小小，所以第一時間要塗返多D保濕既護膚品。
到第二日起身，都唔會覺得太乾，依然有皮膚軟綿綿既感覺，到左化妝既時候，亦都唔會上唔到妝，個妝都幾貼，而且無敏感情況出現。而過左兩日，感覺都係皮膚好光滑。
PS . 我上網睇到有人講話可以當暗瘡膏用，可以o係生暗瘡既地方塗上，但由於呢排無生暗瘡，試唔到呢個功能呢！
