咩時候用最好呢~~ 就係暗瘡完全未現形但你開始發現有少少紅﹐按落去少少痛既時候﹐用佢0係患處係碌幾碌﹐涼涼地﹐拿拿地﹐呢呢呢﹗感覺咪就係好似用白花油搽蚊爛咁FEEL囉﹐搽既時候好拿﹐但心態會覺得好爽﹗咩仇都報晒﹗"死啦暗瘡﹗嘿﹗" 吸收得好快﹐差不多一搽清涼感覺過後即乾﹐最好耐唔耐補一補﹐包保不出幾個鐘頭﹐你會發現真係無咁腫痛﹗我發覺越初期用越早見效﹐到爆瘡先用就太遲﹐拿到你飛起﹐到時只可當發泄用﹐唔謊唔爽...

少少心得﹕個玻璃樽仔唔多安全﹐我用卸妝油原先用黎夾住個pump 0個隻夾仔叉住佢﹐等佢無咁容易碌落地。