初初對呢隻base無咩期望,因為我用過好多唔同品牌既base, 聲稱可以長效控油, 令到個妝keep耐d, 但好多都係大失所望, 但見呢個base好多朋友力推,所以都忍唔住俾錢買返支, 抱住無期望就無失望既心態試一試。

點知係用既第一日, 搽完呢個base, 再上粉,上妝竟然可以好smooth, 唔會起皮屑,呢點真係好surprise, 我試過好多品牌~一上妝就好乾好難推,所以對呢隻base好感度上升, 但都要過左整日先試驗到佢既實力既~

到中午諗住去toilet 補補個妝,因為我平時中午t-zone位已經出油出到個妝花哂, 但當我去照照鏡, 真係有d 難以置信, 個妝無咩點甩,仲好自然, t-zone位都無咩油光, 用tissue 輕輕印一下就已經變返o岩o岩上妝咁perfect。

到夜晚望下個妝,仲keep到,果晚既心情真係好開心,好難忘, 我化左妝8年,真係第一次搵到咁fit自己既base, 控油keep妝真係好好, 終於唔使再哂時間左試右試搵base 啦。