前排同家姐一齊去做皮膚分析，本來只係抱住好奇心去睇吓自己皮膚狀態，點知報告一出嚟先發現原來自己額頭同眼周附近啲斑其實幾明顯，加上平日成日曬到太陽，膚色都有啲暗沉。
平時照鏡未必特別留意，但一放大睇就覺得啲斑好似越來越清楚，所以之後都開始認真諗下淡斑保養。
最近就試咗 NIVEA雙效淡斑精華。當初留意到佢，主要係因為佢有專利淡斑成分 Thiamidol® 630，係針對黑色素生成源頭去改善色斑問題。質地幾清爽，搽上面吸收都算快，而且配方溫和不刺激，我自己皮膚比較敏感，用落都覺得幾舒服。
連續用咗一星期後，自己最明顯感覺係暗沉位置有改善，膚色睇落均勻咗少少。由其額頭同眼周附近啲斑都好似慢慢淡咗，整體皮膚睇落乾淨咗。
資料話佢有臨床實證7天可以見到淡斑煥亮效果，而且除咗幫現有色斑逐漸減淡，亦可以減少新斑形成，例如曬斑或者荷爾蒙斑。
其實護膚對我嚟講最重要係慢慢保養，同埋揀到啱自己皮膚嘅產品。而家每日早晚用少少精華，感覺皮膚狀態穩定咗，啲斑都冇之前咁搶眼!
