差唔多日日都化妝嘅 beautyisQueen，緊係明白卸妝嘅重要性。
卸得唔乾淨.... 就會有殘留嘅化妝品阻塞毛孔，令膚質變差！
Nine Oriens 第一皇牌主打卸妝潔面油，100% 天然，藴含有機植物油及堅果油，具豐富維他命A／B3／E。
配以植物綷取同埋角鯊稀以及天然香薰油，抗氧抗菌及保濕！
》》葡萄籽油，有機橄欖油，有機向日葵籽油，角鯊稀，榛籽油，甜杏仁油，有機堅果油，白蘭花精油.... 等等
一般潔面油嘅質感，能夠溫和咁將面上嘅化妝品卸走，同時亦有效滋養肌膚。
要用乾手搽上，然後打圈及按摩。 加啲水，再打圈，見到化妝品乳化後就可以用水洗走。
首先試卸走平日嘅眼妝同條眉。
用化妝棉沾上少少Magical oil，敷一陣，然後輕輕抹走大部份妝容。
但正常用，我會係用水將Magical oil 乳化，然後過水。
跟住試下啲防水妝物，有防水眼線液／眼線膏／唇筆。
Magical oil 輕易將防水眼線液及唇筆卸走，防水眼線膏就要按摩耐少少先得。
如果係要卸防水眼線膏，我都係會用返 lip and eye remover 產品，然後其餘就靠 Magical oil！
過水後，覺得肌膚得到舒緩，肌膚潔淨乾爽，毫無油膩感，肌膚唔會繃緊！
雖然 beautyisQueen 一向唔鐘意用油質嘅卸妝產品....
但我喜歡 Magical Oil 100%天然，又有咁多修護肌膚嘅香薰油／植物油成分，卸妝同時亦可慢慢調理好膚質....
咁唯有適應一下喇！
