今次試用呢個 Synergie masquErase 幹細胞激生面膜，又稱神級面膜既東東，之前已經o係 mi ming mart 買左一罐用，而家都差唔多用曬！開頭睇佢既價錢，都有小小唔捨得買，但睇埋佢個成份同功效，你會知道，呢個面膜係絕對超值。

而佢既功效亦都實在太多，根本都數唔曬，基本上你想皮膚要改善既野，佢都做到，例如，保濕、修復細胞、抗炎镇靜、對抗自由基侵害、減淡細紋、刺激膠原蛋白增生等等，而佢既成份亦係超級無敵，有海洋萃取多糖環、維他命B3、麥盧卡蜂蜜同透明質酸等等，真係有排都講唔曬，建議真係要上官網了解下。

跟住就講下我用既感覺，首先佢個罐，係用真空bump，佢bump佢黎，感覺好新鮮同衛生，而佢既質地比較結身，感覺到佢好多營養，而且佢只有淡淡既天然香味，有小小似蜜糖味，絕對唔會有刺鼻既感覺，因為佢比較結身，所以唔算易推，但建議用2 bump 全面厚敷，連眼底都可以搽小小。呢個面膜，可以選擇敷1小時或以上，然後沖洗，再塗上你自己的保養品。但我通常都會用佢做 sleeping mask ，敷足一晚，一個星期敷 3-4 晚(事實上佢可以晚晚敷)，第一次用完佢訓醒洗面既時候，覺得塊面好有彈性，好滑，細紋同毛孔消失左，皮膚好以會發光，好以 BB 既皮膚咁，眼底細紋都淡左，亦無不良反應，所以我為左呢種感覺，就好勤力敷呢個 mask ，而面上一D荳荳印，都o係敷左一段時間之後淡左好多。

另一個我好欣賞佢既地方係，我D 手手腳腳事實有好多突發性既濕疹，而呢個面膜，佢有一個成份叫加拿大柳葉，加拿大柳葉又稱為天然既類固醇，所以對抗濕疹、敏感呢D問題都好好，我見我手手腳腳有小小想發濕疹，就會即刻搽佢，會比較快好返。