基本上，一個星期都會化足6 - 7日妝，落妝對於我黎講都幾麻煩，而我都多數用 Cleansing oil 黎卸妝，因為如果用卸妝水加棉花既話，會拉扯到皮膚，會更用易起紋，而且通常都會用好多片棉花先卸得乾淨，所以好鍾意用卸妝油，一次過可以溶曬D妝既感覺。

今次試用呢個 Fancl MCO 納米卸妝油，其實之前都有用過佢舊版綠色o個支，都係一隻不錯既卸妝油，今次特登化左一個妝，然後拍左小小片。

卸妝既時候，一定要乾手乾面咁用D 卸妝油o係塊面度摔摔摔，化妝品就會好快咁溶出黎，唇部同眼部都可以輕按，你會見到片入面，眼部都會溶到黑色既眼妝出黎。

彩妝溶晒之後，就可以過水，你會見到落妝油乳化左變成白色，過完水之後，塊面都覺得好清爽，好乾淨，無乜野殘留，但個人習慣都會用 Face wash 洗多次面。今次呢個新版，我覺得佢進步左既地方係佢比舊版溶化彩妝溶得比更快，過水後亦都比較清爽，落完妝快面睇落唔會黃同暗啞，係有用自然光澤。