KOSE旗下嘅DECORTÉ Moisture Liposome哩款已經有廿幾年歷史嘅小紫瓶保濕精華竟然在she.com有得試用，梗系即刻申請啦！連續試用一星期，真心覺得佢貴得有道理！洗乾淨臉之後塗一層化妝水，之後就可以將Liposome保濕精華塗上臉啦！首先講下佢個顏色呈半透明嘅白色，味道清雅，質地岩岩唧出嚟我仲以為系凝膠狀，點知一推開先發現佢好似水一樣，分子極細膩，延展性高，好易推開。將三至四泵精華液唧在手中，輕輕地塗抹在肌膚上，瞬間有一層光澤感，之後大概兩分鐘，肌膚有好calming嘅感覺，快速吸收精華成分。原來Liposome保濕精華含有數億兆大小僅僅0.1微米的多重層微脂囊體，可以源源不斷的滲透至角質層內部，由外及內層層釋放，難怪飢渴嘅肌膚九秒九就吸收曬啦！ 哩種補水嘅效果並唔系轉瞬即逝，保濕感可以維持一整晚，到第二日早晨仲見到肌膚水潤漲卜卜，毛孔亦收細，見到肌膚一夜間彷如重生，哩種感覺真係好治愈！而早上潔面後再用保濕精華，在上妝之前已經撫平乾紋，而臉部亦迅速吸夠一整日嘅保濕分量，之後再化妝，持妝度高，唔會卡粉，中午淨系吸下T區油光就已經夠曬！現在已經系初冬同晚秋嘅轉季時節，肌膚比平時更加需要水分，一款好嘅保濕精華系must have item。今次試用嘅DECORTÉ Moisture Liposome保濕精華HKD690 / 40ml，HKD890/60ml，大size莊真係好抵買，大家可以考慮入貨！