自從用過第一次BB cream，感覺厚重好易塞毛孔，我就轉用粉底
知道Clinique出左最新CC cream,心思思又想試下,因為佢SPF30/PA+++可作daily防曬,又可以保濕護膚，又令個樣望落去好精神，最緊要係夠薄!!!!!一啲都唔覺化咗妝,當去到專櫃見到佢，就知非買不可~~~
我的肌膚偏黃暗啞,BA俾我試Fresh peach and natural fair.Fresh peach較通透亮白，natural fair就同自己膚色差唔多，所以我揀fresh peach
其實吱好少份量已夠全面用, 搽完一層如果覺得唔夠再補搽都冇厚重感，係令啲...佢令得嚟唔係滿面油光嗰款，而係好似敷完mask好水潤咁反光，一啲都唔粘膩，十分保濕!大讚!
CC cream重點不是遮瑕,所以遮瑕作用幾乎係零!如果皮膚無粒粒無暗瘡印，搽完後更覺皮膚光滑。所以，CC cream搽咗就咁就出街，係完全表露緊自己平時花幾多功夫喺面部護理上。當然CC cream後可以繼續加上彩妝修飾啦~~早上搽完10個小時後放工,都冇溶妝,控油效果亦不差,因為夠保濕,本身皮膚水份夠，就可以減少多餘油脂分泌。
我係用手搽上面，都幾易推，因為夠水份。佢個吱咀設計係唔會令多餘cream吱出嚟搞到個蓋好污糟。欣賞:)包裝其實不突出，但勝在支野夠扁!好慳位，方便帶出街。
用了一星期後,感覺方便(sunblock+保濕+改善皮膚暗啞乾燥),$290適中，會回購:)
