幾好用喎，我覺我仲好用過shu uemura隻泡泡base。佢係白色cream狀質地，都幾厚身下，但係上左面後無色同出奇地唔lup，都幾保濕。如果我夏天用太勁嘅控油產品或轉季時好多時我個鼻都會甩皮，嚴重時係成個鼻甩。如果有甩皮情況時用呢個都重會見到少少皮，不過真係好少好少，所以都好保濕。佢控油真係好好，我用完佢再用Chanel Perfection Lumiere個妝真係keep到成日到落妝，只係下晏個鼻有少少出油，上返乾粉就得完全唔駛補！最神奇係佢真係可以用好耐！30ml最初以為日日化妝好快玩完因為我用base係絕不手軟，但係我依家用左成3個半月連頸都揸埋都仲有成1／3枝淨，其實都唔算貴。我用完如無意外會繼續用。