年紀愈大, 膠原蛋白流失, 皮膚慢慢鬆弛, 毛孔一日一日變大, 係真的! 以前敷個mask已經可以收歛毛孔, 但呢兩年見到自己d毛孔真係要化左妝先呃得下人, 敷完mask一陣就打回原形…我都知道毛孔大左真係一條不歸路, 靠醫美療程先會有明顯少少的改善, 但係如果日常都可以用d有效對付毛孔的產品, 效果就應該更加持久。

最近經常見到b glen 在IG上的體驗裝廣告好吸引! 亦上網爬過文見到風評唔錯, 今次終於有機會一試! 首先講講最受網上用家歡迎的礦泥潔面乳, 它的質地比一般泥狀洗面產品軟身和濕潤。 雖然用天然礦泥粉製作而成, 但同時含有角鯊烷，洋甘菊提取物，透明質酸, 所以用起上黎真係唔會好似一般Clay wash 咁乾。

洗完面就輪到我私心第二鐘意的QuSome化妝水, 偏水狀但唔係清爽型toner, 搽上面會有少少滋潤度, 成份中的超微小的複合因子「QuSome® Activated Complex」可以令美容成分直達角質層深處, 用完覺得好夠潤, 皮膚睇落會有光澤左!!

用完toner 就到我最鐘意的C精華液!!! 顧名思義就係含有高純度維他命C, 可以平衡皮脂分泌, 改善皺紋、下垂、青春痘、痘印、毛孔、色斑和暗啞等肌膚問題。質地幾潤有少少笠, 但夏天都唔覺得皮膚負擔重。用左一星期左右我覺得呢枝係最明顯一用完就見到毛孔有收細, 而且皮膚感覺會柔潤左! 以前用過好多維他命C產品都好易爆瘡, 但呢枝唔會, 如果係易敏感的痘痘肌, 我真係大推呢枝!

最後要搽返QuSome保濕水凝霜鎖水, 雖然有鮫鯊烷、甘油等等滋潤成份但整體質感唔會過潤, 反而可以平衡返頭先C精華液的少少黏笠感, 搽完皮膚感覺細滑, 好適合夏天用。

整體黎講我覺得呢set產品對收毛孔係有幫助的! 尤其是早上上妝前用, 可以唔使搽咁多遮毛孔產品! 如果唔夠budget的話我會建議購買QuSome化妝水和C精華液, 再搭配自己其他潔面和保濕霜使用! 值得一提的是b glen 的每枝產品都有建議使用份量, 我覺得可以根據個人需要而微調, 例如夏天的話可以酌量減少以免肌膚負擔太重。