呢個係我第二罐用嘅glam glow深層清潔面膜，之前都係用白色，大約一罐係用到個半月左右，以我混合肌，有嚴重黑頭粉刺問題嘅皮膚，用咗一罐之後，無再買落去最主要原因都係因為價錢問題，真心係太貴，一罐等如我買其他牌子嘅兩三罐，雖然毎次用量都唔多！同埋效果係真係有嘅，特別係針對下巴嘅粉刺！一用完會見到下星粉刺少咗一半左右，剩低個啲都係要靠人用擠返出嚟先乾淨，但係我最嚴重鼻邊位嘅粉刺就唔多見效果，唔係好清到！我敷完仲見到密麻麻係度，無咩減少過，都係要用手搞掂，連浮出嚟都無嘅，而鼻上面嘅黑頭，淺層嘅唔用手就見到自己消失咗，深層嘅，都係用手吧，同埋呢個mask乾得都快，10分鐘左右就洗得，敷完唔算乾，可能因為我本身皮膚唔乾，所以都唔會乾柴感覺，總括嚟講，係有效嘅，效果都明顯，但未至於神奇，同埋價錢係令人卻步之列，始終清潔面膜消耗得好！以個人嚟講，不會回購呢！