我屋企有2支，分別係#01同#06，有1支已經用到底所以廢事影。首先講講個texture，唇膏本身係超軟身，上到嘴個效果係偏glossy finish，個視覺效果同你搽完唇膏再上1層lip gloss冇乜分別，所以絕對冇可能會乾，相對地亦都冇一般唇膏咁pigmented，不過我就係鐘意呢點，因為睇落真係好自然。基本上你照揀自己鐘意嘅色就得，唔會點中伏，因為隻隻色睇落都超自然，好融入到落自己嘅膚色度，我平時素顏落一落街同化淡妝嗰陣都會搽呢支，令自己睇落有血色嘅同時又冇乜妝感，我男朋友有時都唔知我搽咗唇膏。不過越水潤嘅唇膏就越唔long lasting，所以出街用要勤補，除此之外都冇咩缺點，價錢又夠晒affordable，我覺得呢支唇膏好啱學生用。