今次試用O既產品係TRICALM乳霜,我一轉季,身體就會變得突然極度乾燥,直頭會R到''索索聲''(請自行想像乾燥程度),早幾日突然有D秋意,翻風,D皮膚又黎喇,痕到死,即刻搵呢支TRICALM救命。
佢個質地呢,唧出黎果陣係結結地,但估都估唔到,搽上身之後係非常潤滑,但係一D都唔"笠'',之前試過好多牌子O既抗敏/舒緩痕癢O既產品,佢地最大共通點就係非常滋潤非常笠,雖然有D產品真係可以幫助改善我皮膚問題,但係個質地痴笠笠,令到你非常唔舒服,尤其是我屋企有兩隻狗仔,有陣時搽完之後,仲會痴到成身都係毛。
反而呢隻TRICALM的質地就冇呢個問題,而且皮膚好快吸收,所以皮膚都仍然能保持乾爽,用完呢隻乳霜,痕癢問題的確可以舒緩到,但皮膚乾燥始終唔係一時三刻可以解決到O既問題,所以除左外用護膚品,內在成因都要著手,例如皮膚自身抵抗力呀,又或者飲食方面都要好好調理
