今次試用呢個 Orbis 既無油防曬底霜，而呢隻有兩款，分別係清爽型同滋潤型。

首先試清爽型，質地比較稀身，有小小色，搽上面好以推開，上面後有小小調色同遮瑕效果，會覺得塊面有小小白左，所以唔化妝既，可以就咁直接出街，雖然佢係清爽型，但上面後一D 都唔覺得乾。

而滋潤型，個質地相對亦會較結，但上面亦同樣易推，用小小都夠搽全面，搽上面後感覺都好保濕之餘又唔會覺得好油，望落調色顯白既效果。

兩款雖然都有防曬功能，但係上面都會唔覺得好立，而由於佢係底霜，所以兩者二合一，我覺得可以幫塊面減低負擔，我亦有試上妝之後既效果，而化全妝覺得都好貼服，唔覺得厚，而且都算 Long Lasting ，可以 Hold 到大半日

另外，因為百幾蚊可以買到一枝日本專櫃品牌既防曬底霜，我覺得佢好抵買。