第一次試用Orbis既產品,防晒都可以講係每日必做既護膚程序,無論素顏 / 化妝都會做,所以ms.C選擇防晒用品首先要清爽 & 透薄,因為之前用過既防晒一般都會有過笠既情況,而且用完之後好明顯就白左一截,但今次試用既算用左Orbis UV Cut Sunscreen On Face Beauty 無油防曬底霜,就冇以上兩個情況發生,加分!
收到既時候,見到有Light / 普通既分別,以為會係顏色上唔同,原來連質感上都有分別。右面:Light版,較水質,但我覺得水過頭,似爽膚水既質地,唧係手好快就流走,顏色偏粉紅,用上面透薄,肉眼唔係好睇到。左面:普通版,呈膏狀,偏灰,對比起Light版,我會較鍾意普通版質感,冇乜點化妝果時,可以略略調節膚色。兩者都易推,不過我偏愛普通版既質感&顏色,感覺上有塗到一層野上去保護皮膚,相反Light版就用左感覺好似冇用咁,自己感覺唔太鍾意。兩者顏色黎講都易融入膚色,唔會出現過白藝妓既情況出現。
論價錢,$149/35g,唔算太貴,日常護膚日日用都唔會覺得太肉痛,可以用多少少,好好保護自己既皮膚!