第一次試用 Make Up For Ever 嘅產品，之前聽過佢哋嘅產品係幾好嘅，所以我都幾期待今次試用嘅效果。

我本身膚質都幾乾吓，如果平時唔做足保濕﹑狂敷 masks，一上粉就會出晒啲乾紋﹑毛孔勁卡粉㗎啦！

呢排喺遠方嘅親戚訪港，我都忙住要招呼﹑照顧佢哋，唔好講話敷 masks，我平日出街都冇時間化妝！所以呢個禮拜我係完全冇敷過 masks，只係每日做保養咋！

能夠喺狀態咁差嘅情況試用產品，其實係幾唔錯嘅！就係要咁先試到產品夠唔夠堅呀嘛！

今日我睇錯鐘，搞到個人勁心急要趕住出街，我洗完面就掛住影張 before 相，完全唔記得要做任何保養先上妝！

但幾時都係錯有錯著！一上 Make Up For Ever 呢隻 Hydrating Primer，我感覺我就係搽緊面霜咁水潤嘅感覺 (其實我係搽緊 Hydrating Primer 先醒起自己冇做任何保養 XD)；可能你未必相信，呢隻 primer 其實仲水潤過我用緊嗰隻面霜！

之後上埋 Make Up For Ever 嘅雙用水粉霜，同樣地感覺好水潤，同埋毛孔冇卡粉 (我就係用粉底液，鼻哥毛孔粗大到會卡粉嘅人，神奇吧！)﹑乾紋甚麼的都冇跑出嚟 say hi 喎！知道自己呢個星期皮膚狀態唔算好好，就更加覺得 Make Up For Ever 呢兩隻產品真係超讚！

看看妝前妝後嘅相，簡單地上個粉，個人望落已經精神咗好多﹑冇咁憔悴，同埋個妝真係薄薄一層塊面就滑晒！好啱我呢啲最怕厚粉嘅人用呀！

最近都試過 LUNA 嘅爆水粉底，論水潤度，LUNA 同 Make Up For Ever 搽上面時嘅水潤感覺其實係差唔多，不過論水潤持久度同埋個粉嘅細緻度，唔使講，幾時都係一分錢一分貨！同埋 Make Up For Ever 比較勝一籌嘅係，佢個粉好貼面，搽上面效果好自然，唔細心睇其實未必講得出我上咗粉！

其實我本身係 NARS 粉嚟嘅，我自己就覺得 Make Up For Ever 呢隻雙用水粉霜搽上面嘅效果比 NARS 嘅 Skin Tint 嚟得仲自然，其實呢兩隻粉底都成為咗我嘅至愛！我本身就係大汗嘅人，夏天我就會保險啲用 NARS，希望個妝 keep 得耐啲。Make Up For Ever 呢隻就自然地成為我秋冬嘅心水粉底選擇 :)

不過啱啱想出門口先醒起，Make Up For Ever 呢兩隻產品都冇防曬成份，我又 miss 咗搽防曬啦 XD 大家記住搽完 Hydrating Primer 搽多層防曬先上粉底啦！