kl.sharing<div><br></div>

今次可以試到SK-II 3樣產品，包括SK-II R.N.A. 立體緊緻精華霜、SK-II 嫩膚清瑩露及 SK-II 護膚精華。係轉秋呢啲時間岩哂～可以為我肌膚提供膠原蛋白，保濕，滋潤等功效！ SK-II 嫩膚清瑩露 蘊含Pitera的化妝水，雙效淨化肌膚，以柔和方式去除面上死皮及老化角質，同時滲透修護成份於毛孔內控制多餘油脂分泌。 －我沖涼後用SK-II 嫩膚清瑩露，我將SK-II 嫩膚清瑩露倒落化妝棉然後抹面，可以從圖中見到，化妝棉係又黃又帶點黑咁，真係做到去除老角質既效果！明明沖涼已經用左洗面產品去除污垢，但用左SK-II 嫩膚清瑩露先發現原來係唔夠嫁，可能洗面產品可以去左油脂，但係每日都會更新既角質係整唔走！！有左SK-II 嫩膚清瑩露，可以幫我去除角質，避免死皮積聚！ SK-II 護膚精華 可調節肌膚的28天自然生理週期，帶來特效滋潤、保濕、幼滑膚質等功效，並同時調節油脂分泌及肌膚PH值，提升亮透膚色。 －我相信無人唔識SK-II 護膚精華，SK-II皇牌之一既神仙水～之前睇過唔同YOUTUBER都非常推介SK-II 護膚精華（神仙水），心諗係咪真係咁好用啊？我係用完SK-II 嫩膚清瑩露我就會用神仙水，我有兩個用法，一係用完SK-II 嫩膚清瑩露後，倒神仙水落手，再輕拍面部。其次係係上妝次，將神仙水倒落化妝棉到，濕敷五分鐘左右。 －用左一個星期，真係覺得好正！！！我毛孔因為以前唔識處理黑頭粉刺，亂用撕貼式既黑頭貼，扯大哂啲毛孔，用左神仙水之後，毛孔撫平左，無以前咁明顯，摸塊面係滑左，無哂啲因為乾而有既拉扯感覺！而且我係一個內乾外油既人，肌膚真係好容易出油，我覺得用左佢真係有助幫我調節油脂分泌同埋做到妝前保濕。因為平時化妝，即使我搽左控油底妝都好快出油，但我係化妝前用左佢，再配合控油底妝，由化妝後３個小時開始出油，變左５至６個小時後先出油！真係好正！！而且我有鼻敏感，鼻頭成日都會甩皮，用左神仙水肌膚即時保濕左，用過先知點解YOUTUBER會咁推介，唔用過真係唔知神仙水係咁正！ SK-II R.N.A. 立體緊緻精華霜 全方位提升緊緻度， 抑制細紋形成， 增添肌膚保濕度與光澤度。精華般的滲透力，讓成分直達肌膚深層， 鞏固自身膠原蛋白結構。讓肌膚變得更緊實、更飽滿， 臉部線條重現年輕立體感。 －我好鍾意呢個 R.N.A. 立體緊緻精華霜，一打開見到個質地以為好痴笠，好油既感覺。我覺得佢好正係因為佢係非常易推，肌膚好容易吸收，但佢又唔會無左保濕既效果，搽完之後肌膚係有一個即時既滋養，而且唔痴笠，到第二日起身肌膚都唔會乾。 我每晚都會用呢、SK-II 嫩膚清瑩露、SK-II 護膚精華及SK-II R.N.A. 立體緊緻精華霜幫肌膚做護膚，效果非常顯著，不單只可以幫我去面上既質角之外，仲可以幫我撫平粗大既毛孔，幫我調節油脂分泌，減少出油情況，而且肌膚可以得到保濕，滋潤效果。用左就會明白點解會有咁多人購買同推介，真係試過市面上唔同品牌既系列護膚產品，但係無一個系列可以幫我做到咁多功效而且效果明顯，平時護膚或化妝前使用都十分推介！

相信好多人都會好似我咁，因為岩岩轉季而覺得煩惱，因為係轉秋呢啲時間，肌膚會變到好乾同好易敏感，而且搵到一個產品可以穩定肌膚之餘，又可以舒緩敏感、乾燥及痕癢所帶黎既不適係好難。今次可以試到TriCalm® Advance Formula Repair Cream 高效抗敏柔膚修護乳霜去解決我既問題。 我在收到產品既時候，係網上搜尋有關品牌既資料，得知TriCalm®是Cosmederm®旗下專門解決敏感肌膚問題的醫學美肌品牌。TriCalm®備受皮膚科醫生認可，更被美國國家濕疹協會(National Eczema Association)頒發NEA Seal of Acceptance™，足以證明TriCalm®是濕疹及敏感性皮膚人士的護膚選擇。睇過有關TriCalm資料後，知道佢成份係不含類固醇，三個月以上既人都適用，令人安心兼放心，所以我對TriCalm® 高效抗敏柔膚修護乳霜充滿期待！因為我都正因為轉季既關係，肌膚非常乾燥，有甩皮情況，而且亦有泛紅問題。 TriCalm® 高效抗敏柔膚修護乳霜 • 含專利技術COSMEDERM®-7及有效成份Ceramides 極度乾性、濕疹及痕癢肌膚適用 • 含專利技術COSMEDERM®-7，臨床測試能迅速紓緩皮膚乾燥痕癢 • 有效紓緩濕疹不適 • Ceramides 「細胞間脂質」能修復及強化皮膚天然屏障，鎖緊肌膚水分及抵禦外來刺激 • 長效保濕，令肌膚回復細緻柔滑 TriCalm® 高效抗敏柔膚修護乳霜　非常好推，而且每且用五毫子既份量已經足夠搽全面，我本來以為乳霜都應該會比較笠，點知原來係相反，非常輕身，搽上面之後好快就吸收哂，而且摸塊面係無任何笠既感覺。 本身我兩邊臉頰位置都係有幾達紅左既問題，而且都已經有差唔多一星期，我用好多產品都解決唔到呢個問題，無論我敷保濕面膜，舒緩面膜都無改善過。我想試怇既效果，所以我訓前都只係搽左TriCalm® 高效抗敏柔膚修護乳霜！搽完之後大概十五分鐘左右就開始有少少效果，紅印既地方慢慢淡。到第二朝早睇到塊面已經差唔多無哂紅印既問題，真係見到都好開心！！而且KEEP住用到而家，我皮膚都好穩定，無泛紅，無敏感，我覺佢既修護功效真係好好。 對我呢講TriCalm® 高效抗敏柔膚修護乳霜轉季係必須要有！！因為我自己身體上係有濕疹既問題，睇過醫生都係比類固醇我解決，雖然真係可以好快咁幫我舒緩，但係用得多皮膚就愈薄，而且好容易番發，所以我都會薄薄搽一層係濕疹既地方，我覺得佢舒緩既效果非常快，五分鐘就可以有舒緩既感覺，我覺得佢係大人細路都岩用既乳霜！！十分推介。

如果同其他人講起 SK-II 呢個品牌，相信好多人都知 SK-II 係一個化妝品及護膚品既日本品牌，而最為人熟悉既產品之一就係 SK-II 神仙水！ 今次可以試到 SK-II 幾款出名既產品，包括 SK-II 皇牌產品 FACIAL TREATMENT ESSENCE 神仙水 同 屢獲殊榮既 R.N.A.POWER系列 (R.N.A.立體緊緻修護眼霜，R.N.A.立體緊緻精華霜 及 R.N.A.彈性再生精華)！ SK-II 護膚精華 FACIAL TREATMENT ESSENCE 神仙水蘊含超過90% Pitera™，它是一種發現於30多年前而且源用至今，不曾改變的神奇成分。 它那獨一無二的配方，能溫和地清除老化角質，並幫助調節肌膚更新週期。 14天，妳的5大美肌範疇將能獲得明顯的改善和提升，色斑不再明顯、減淡 細紋及皺紋、膚質變得更細滑、更緊緻，煥發動人光澤。肌膚晶瑩剔透，令人怦然心動。 一開始以為 SK-II Facial Treatment Essence 護膚精華 名稱中有 "精華" 呢個字眼，一定係同精華液一樣都係黏身，點知完全相反！我依指使用方液，將神仙水倒落化妝棉上拍臉部肌膚。佢既質地同一般化妝水並無分別，非常水質，而且份量很小就已經可以沾濕一塊化妝棉。我之前一直都有睇過唔同分享，佢地話過神仙水既味道比較難嗅，但我係接受到既。另外，係由收到至今日呢段時間，我唔覺得佢係有酒精同香料味！ 拍上面無任何敏感或者有＂那＂既情況發生。之後我用同一張化妝棉係面上輕輕捽，我發現毛孔表面既粉刺都無左！覺得乾淨左，真係可以做到清除老角質既效果！我亦有試過濕左啲薄既化妝棉敷係面上，大概十分鐘左右後，見到保濕既效果，而有泛紅位置亦有減退。如果化妝前濕敷會令妝更貼！ R.N.A.彈性再生精華 精華液會全面滲入肌膚，填補每吋空隙，令肌膚即時變得緊緻有彈性。一覺醒來，肌膚更加細滑，煥發年輕光澤。使用一瓶後就能有效細緻毛孔，撫平皺紋，提昇肌膚的水潤度。 我用既份量真係五毫子都唔洗就可以搽夠全面，吱出黎係白色而且推開帶有少少黏，搽左佢我塊面因為乾而有既拉扯感覺係無左，而且係有滋潤既效果！ 蘊含Radical New Age複方及濃縮PITERA?，並Palmitoyl Pentapeptide-4與Chlolleragen的活力，為眼周肌膚提昇源源緊緻力量，讓雙眸感覺更年輕。 R.N.A.立體緊緻修護眼霜 極易被肌膚吸收。在滋潤肌膚的同時，伴有淡淡清香。源源緊緻眼周肌膚，綻放閃亮大眼。 最近２個月都好夜先訓覺，所以搞到個黑眼圈走哂出黎...有邊個女仔想自己成個熊貓咁出街？我搽係眼周附近再加以用無名指腹去按摩，只係幾日眼圈已經無之前咁深，咁得人驚...，而且我係好容易係下內眼線位置生油脂粒既人黎，但係用佢係完全無問題，亦無敏感，之後搽護膚品亦都無起＂擦膠碎＂！R.N.A.立體緊緻修護眼霜 唔單只幫我減淡我個熊貓眼，仲幫我減淡眼紋，滋潤眼周肌膚！！係化妝既時候，搽遮瑕膏都無平時咁，卡哂係眼紋到。 SK-II R.N.A.立體緊緻精華霜 由 「 大豆精華 」和「 水解酵母 」調配而成，並協同「立體緊緻複方」和 PITERA，縱向提升緊緻，橫向細緻毛孔，為肌膚打造全方位立體緊緻。更能改善肌膚衰老的徵兆，令肌膚回復緊緻、細滑、緊實，更富光澤。 我一開試佢既質地時候，我覺得係易推開，但搽勻全面覺得有啲黏。當我真正使用係面上既時候，都同樣有咁既感覺。不過，係五分鐘後就會被吸左，面上有輕微既黏住。我面珠既毛孔都算明顯，搽左佢之後可以即時睇到毛孔係無咁明顯，而且我有鼻敏感，鼻附近經常會甩皮，佢幫我即時好似有個修復既效果！第二朝起身皮膚都唔會覺得乾，而甩皮地方都唔見左！！超令人驚喜。 雖然SK-II既產品價錢比其他貴少少，但係產品既效果非常明顯，而且用量唔需太多！值得購買！

我相信好多人都有睇過韓國女明星既妝容，佢地化左妝就好似無化咁，底妝係非常自然，透薄，完全係好似自己本身肌膚就係咁靚，咁無瑕，應該係個個女士都羨慕既妝感效果！ 我本身已經好鍾意用Make Up For Ever HD Powder，今次有機會試 Make Up For Ever Water Blend Face & Body Foundation 雙用水粉霜 及 MAKE UP FOR EVER Step 1 Hydrating Primer 一步補水妝前乳 真係好開心亦好期待！ 一直以黎都有唔同 Youtuber 分享 Make Up For Ever Ultra HD Foundation 係好好用，所以一直都好想試其品牌既粉底。另外，今次仲可以試埋Hydrating Primer，可以解決我一直上底妝既問題。 －MAKE UP FOR EVER Step 1 Hydrating Primer 一步補水妝前乳 即時補水：蘊含H²0 COMPLEX即時為肌膚補充水分，即時變得柔軟有彈性，對抗外在環境侵害 提供舒適肌感：妝前乳質地清爽易吸收，如肌膚細胞間的的潤滑劑，瞬間解決繃緊感覺 柔焦效果：以Soft Touch Powder折射光線填補肌膚表面細紋陰影，在視覺上變得無瑕。 我自己肌膚底層缺水，毛孔亦都非常明顯，而且T ZONE，鼻同鼻翼附近及下巴位置都有粉刺或者暗粒，每次上粉底都會突顯哂我啲缺點。用左呢個Primer令我好有驚喜！吱出黎推開左係非常易推，而且唔會痴笠笠，用左佢令我塊面滑左好多，又可以幫我blur左鼻既粉刺！ 上妝之後可以睇到用左primer既右邊面，係非常之靚，亦都無顯粉刺！ －Make Up For Ever Water Blend Face & Body Foundation　*我試既色號係Y245* 擁有獨特凝膠質地，觸感如果凍身般輕盈無重，延續快速上妝﹑塗於面及身體部位而不易量染的特點，更加入高達80%維他命原B5淨化水，加強保濕同時修復肌膚，輕易無負擔的水感透亮底妝。 雙用水粉霜係我用過咁多牌子之中，最令我覺得唔似粉底既粉底！我咁講係因為當我將雙用水粉霜吱係手背果陣，一推開！！完全覺得非常驚喜，就好似化妝水咁，非常水，勁容易推！即使我等左１分鐘再推，亦都係容易推開。而每次既粉量只需要五毫子就已經足夠搽全面！ 我係用普通斜角海棉黎上妝，我將雙用水粉霜分開點係全面，用海棉推開，唔洗一分鐘既時間就已經搽好！上完之後塊面係無任何痴笠笠既感覺，好清爽！！我用過好多唔同品牌既粉底，全部上完妝之後都係會有種笠笠既感覺，仲要紙巾掂一掂就甩粉，我個人係非常唔鍾意，而雙用水粉霜又無呢個問題！！好令人surprise！而我用張紙巾係上面印，佢係會馬上跌落黎，用力係面按壓係印唔到粉底出黎！！ 搽完之後係好自然，好透薄，幫我均勻到膚色，但個效果係完全唔覺得有搽過粉底，根本就好似係自己肌膚黎，岩哂我呢啲唔鍾意有妝感既人，偽索顏必備！過左４－５個小時之後，係無用碎粉定妝情況下，個妝係好似岩岩搽完咁，無變過，亦無氧化、浮粉及甩妝等問題。 由於我個黑眼圈太深色，平時都要另外用遮瑕膏遮住，即使Water Blend Face & Body Foundation 遮唔哂我個黑眼圈，我都唔介意！雖然係咁，我都試過再係黑眼圈位置搽多兩層，都可以做到５成既coverage，而且眼底位置唔會乾，唔會顯紋，唔會有達野或者覺得有粉！ 對我個人黎講， Make Up For Ever Water Blend Face & Body Foundation 雙用水粉霜 及 MAKE UP FOR EVER Step 1 Hydrating Primer 一步補水妝前乳都係我喜愛既產品！我呢啲內乾外油既人士，係夏天更加係必備既底妝產品！十分推介及一定回購！

我自己本身既睫毛係好疏好短，由其係下眼睫毛尾部，真係短到要用近到超近睇，搽睫毛膏係完全搽唔到！ 我好容易因為捽眼，夾睫毛或者卸妝等原因而係咁甩睫毛！ 所以我都試過某3個日本品牌既睫毛增長液， 因為真係好羨慕啲人既睫毛又彎又濃又夠長！ 真係擁有呢類型既睫毛，隻眼會變到好有神同好似化妝咁！ 係收到RevitaLash Eyelash Conditioner果陣， 見到佢個刷頭真係好令我驚訝， 佢個刷頭係非常之幼細， 同我用過既完完全全相反！ 因為我用過既睫毛增長液既刷頭都係螺旋刷頭， 當我搽下眼睫毛近眼尾既位置係非常之痛！！ 正所謂要靚唔要命，每晚搽都係忍住痛黎搽， 每次搽都會痛，而2個月都只係長左小小.... 係用RevitaLash Eyelash Conditioner之前， 心入面有個疑惑， 咁幼既頭究竟係點搽到啲睫毛？ 一用就發現完全無呢個問題， 相反，佢比我以前用過既刷頭更容易從睫毛根部搽起， 可以話係360度0死角咁搽哂全部睫毛， 就算唔小心整到其他眼既位置都唔會痛！ RevitaLash Eyelash Conditioner增長效果真係非常勁

知道自己有幸可以試到Geheimnis鑽石拉提噴霧真係好開心！因為睇過產品介紹覺得佢既功能非常合適我呢個皮膚差既人！佢係蘊含瑞士研製細胞導入能量鑽石粉及先進高效納米金，讓三、五、六胜肽能極速滲透至細胞核心，能夠刺激膠原蛋白，可以做到即時增生效果。而且噴上後只需3分鐘就可以呈現拉提效果。持續使用更可於兩星期內改善深層肌膚細胞質素、提高肌膚含水量、改善黑眼圈、收細眼袋、撫平細紋、收細毛孔，令肌膚真正緊緻、年輕、亮白。而且佢係有防敏配方能提升及強化肌膚對致敏原的抵禦力既功效，可以修復缺水既細胞，平衡油光，煥發肌底內外瑩采亮澤。岩哂我呢啲容易敏感，面珠鼻翼長期鼻敏感而令到甩皮，而且我以前唔識點樣處理黑頭粉刺，用黑頭貼導致毛孔好大，再加上我係一個夜貓，個黑眼圈真係長期都係好似熊貓咁