letfree832002

卸妝力一般, 一般粉底都無問題, 但係對於不脫色唇膏, 捷毛液個d就完全搞唔掂.見佢無礦物油成份先至買. 香味幾鐘意, 質感係比較厚身既油狀, 不過洗完唔會好油亦唔乾, 乳化得幾好,唔拿眼,不過唔會再買,加多少少錢可以賣支好好多既卸妝油lu.

~"~做打手有無做得明顯左d呢?!

質感好好, 好容易推均勻, 補濕度亦高,遮瑕度好滿意,加上折射光線之後斑點瑕疵都唔覺眼, 整個妝好薄好貼有光澤,其實整體就妝效來講已經好唔錯, 唯一真係唔夠持久, 冬天用好d, 夏天半日就開始出油溶妝, 所以哩個冬天用好d.

搞唔掂....卸妝能力唔好, 試過用遮瑕膏印係手背然後卸, 卒左好耐過水,粉都仲係度,搞到我到懷疑自己係唔係買錯左嘢. 卸bb cream, 胭脂會好d, 但係為安全起見都係會用卸妝水再抺再洗. 質地係唔錯,洗完無用卸妝油咁干,但係對毛孔清污穢亦唔見到有好大作用. 整體來講.....失敗.

都算幾乾淨,我好少化濃妝,用來落一般淡妝都無問題, 咁既價錢都已經物有所值.不過我試過用遮瑕膏卒係手背, 用佢打圈按5,6下之後過水, 發現仍然有粉卡係D手紋度, 所以落妝要按耐少少,仔細D. 另外唔係咁鐘意佢香味太勁,勁到有D刺鼻.而且會拿眼, 我都好少用到卸妝油會拿眼.

比較喜歡RETURN CREAM 多D. 哩隻質地係蛋白GEL狀,適宜"按"係眼周然後係眼尾向上提拉, 會有即時既緊緻效果,對於有眼袋既人應該比較有效, 但論去紋補濕就只係一般般,但係會玫油脂粒既機會好微, 事關水相成份效多, 當中含中少量AFA,唔好擦太近眼睛,會有少少拿眼. 我無眼袋, 所以比較鐘情RETURN CREAM多D.

用開個d用晒, 本來一心買來頂住先, 點知用落又真係幾唔錯.我頭髮比較瘦弱, 輕散又乾,好少用一般開架洗頭水護髮素, 一向用開髮型屋個d, 而且一定要揀輕身個mask&護髮素, 如果唔係實打晒cake. 用哩隻, 雖然唔係順滑 or 閃到咩咁, 但係令頭髮滋潤得來仍然好輕身,因為佢添加乳化劑, 矽靈, 柔順劑個d唔係好過份,又無咁容易黏住髮根毛嚢搞到脫髮, 而且對付毛燥真係幾好,整體貼服好多,日日用都得.

用過幾款L'Oreal既纖體精華, laser個支效果係反而係最好, 哩支排第二. 我唔肥, 只係想提升個set位同減淡d橙皮紋.雖然成份好相似, 但係laser個支勝在唔洗點按摩, 只要做拉提既動作, 2支己經真係見到收緊提升既效果,橙皮紋仍然見到, 但係摸上手有平滑左少少,應該係有d效果. 哩個PerfectSlim Lifting Pro有埋個碌, 但係唔知係唔係我手勢唔好, 效果反而無想像中咁明顯,提升唔係好覺, 但燈皮紋亦都見平滑左少少, 不過我只係用左三個星期左右, 一支都未用完,我會有恒心用耐d睇下,至少佢係少數真係有dd效果既纖體霜.

透明質酸濃度比較高, 所以質感比較豐厚,但係出奇地過一陣就唔會覺得黏,而且好補濕,夏天用之後咩都唔洗再擦都好夠, 唔知有無人拎佢來做toner mask, 補濕效果應該好唔錯. 價錢又實惠, 溫和安全,又唔會導致皮膚出現其他問題, 岩晒d除左補濕無咩特別需求既年青學生們。 不過有一點要提醒, 如果有用配合用其他抗氧化/美白精華既, 應該先用精華後用哩個化妝水, 事關好多人都知道,透明質酸分子量好大, 係會阻礙其他分子量細既成份既吸收.

以眼霜來講, 暫時佢係我用過之中最有效果,之前聽人講到好神奇都唔信,結果一試之下都幾驚訝. 對於撫平眼紋既即時效果真係好顯注,不過哩d"即時效果"一般都只係掩眼法。用左大概兩個月, 眼紋真係有淡到, 眼周皮膚有明顯改善,平滑潤澤左好多.保濕好好. 我冬天眼皮會乾到甩皮, 用左佢之後完全唔覺得乾. 整體來講我覺得非常好用.

係其中一支我絕對對佢既防曬能力有信心既防曬,. 唯一缺點係搽完偏白, 如果要上妝既就無咩問題。 就算係lotion, 質地都比較豐潤, 如果乾性皮膚會覺得夠潤, 冬天用都無問題. 油性皮膚就會用得比較辛苦. 防水做得幾好, 而且比較唔會刺激皮膚, 敏感都可以用.

用既感覺同SWISS BALANCE既面膜有少少相似, CREAM狀, 孚一陣之後出油, 超吸乾燥皮膚可以瞬間保充油份. 主要都係以滲透性差既礦物油, 硬酸脂類, 再配合可滲透既油性滋潤成份紅花油既"滋潤"mask. 要求水性補濕既哩個唔洗點考慮. 但係對於皮膚本身儲水力差, 好乾到皮膚發紅,既皮膚就會覺得好好. 因為基質都係採用無滲透性既成份, 可以避免刺激皮膚, 所以都適合敏感皮膚用.