Amati

係其中一隻我最鍾意既面膜，氣味清香，質地幼滑。最初買個陣個 sales 教我連續敷三晚，皮膚真係有改善，飽滿同平滑左，不過真係幾難清洗，同埋我每次都係等佢減價先買。

我皮膚缺水，用左一瓶，都算補濕，但感覺去唔到皮膚底層，無修護作用。夏天用還可以，冬天就唔夠潤喇。

真係好正！我屬於混合性皮膚，面部略乾易敏感，我試過好多唔同牌子既 cream，一係唔夠潤，一係轉眼乾番。 呢隻效果顯著，比 La Mer 仲要好！我夜晚搽厚厚地一層，第二朝起身皮膚好飽滿，細緻左，有番光澤，雖然幾貴 (莎莎 $1269)，但一黎幾襟用(少少就可以搽晒成塊面)，二黎真係好值得！

搽完後立即見到效果，啲紋即刻淡左，不過感覺有少少 jel 住塊面，同埋唔 last 得耐。過一陣仲會結左一粒粒白色物體出黎。

用左支試用裝，好似潤左少少，可能因為只用左一次，覺得效果唔太明顯。

我用黎做 Makeup Base，搽左塊面好似立體左咁，冬天用就無得頂，成個妝好貼好保濕；夏天就立左少少。整體黎講好滿意，雖然貴左d，但都值得。

上星期買左個 Christmas Set，$2090 有 Renewing pack, white falls & vital falls。今日第一次試用，敷完有睇得出既改善：皮膚飽滿左，有光澤左，毛孔都細左，成塊面滑左… 我老公講笑話好似用 photoshop 執過個樣咁！