leung132568

SK-II環采鑽白CC霜的乳液質地，而且薄透很易推開。 使用前皮膚很紅及膚色不勻、黑眼圈等，擦上CC霜可遮到大部分毛孔及均勻膚色，隱隱透出自己原本的膚色及提亮膚色，而且有光澤感。 CC霜的自然裸妝效果不錯，而且透薄水潤不會焗及沒有黏膩感，仲有SPF50+/PA++++防曬，防曬度高可持續到整日。 一次過塗哂底霜加防曬效果，非常方便！ 適合上班/休閒放假時用，可快速完成輕便自然裸妝。

SkinCeuticals Advanced UV Defense SPF30除左它集團專利的防曬成分 Mexoryl® SX及Mexoryl® XL外，它另外的功效係滋潤保濕，而且不含香料。它係微黃色的霜狀質地，塗上臉有D似調色Base，有輕微修飾膚色效果，但塗上臉有黏黏及有光澤到「令」的感覺。呢款防曬對我混合性偏油皮膚來講有D潤，由其係夏天未到下午，防曬的「光澤」變左「油光滿臉」，都幾難頂。雖然它好潤，好彩它的成份沒有太高的致粉刺成份，沒有因它而生粒粒暗瘡。另外，產品不含香料，但它有幾大陣防曬味,,,,,,我唔多喜歡個味道。 呢款產品有專利的防曬配方，防曬效果當然無容置議，防曬沒有"薰"眼及融化而入眼的問題出現，而且用後無粉刺出，整體來講都唔錯，但唯二的缺點就係對我來講產品太潤有黏膩感，及味道不好聞。 產品到現在用左2個月都未用完，大約可用3-4個月，計返條數$450/100ml都唔貴。

Curél美白輕透防曬乳液SPF25 PA++係一款含氧化鋅的物理防曬，敏感皮膚、油人、易出暗瘡的皮膚都適用，我已經用左好幾支。 它的質地好水潤，lotion般狀的防曬乳，非常易推開，塗上臉後幾清爽，沒有焗住皮膚的感覺，而且沒香料味道。使用後臉會白左，呢個係物理防曬必有的情況，過多5-10分鐘會自然返，仲有輕微修飾作用，可作底霜使用，使用後有修飾毛孔及泛紅、膚色均衡左。另外，防曬乳亦非常易卸，用卸妝水抹加洗臉就已經OK。 我本身皮膚薄，泛紅，混合性偏油，對致粉刺成份很敏感，一用到含有高致粉刺成份的就翌日出暗瘡。而我買護膚品首選第一條件就係要不致粉刺，所以我初初用它時，有上網查過它的成份先放心用它。 資料來自「CosDNA 化妝品便利資訊網」 Curel防曬屬於低致粉刺成份，所以我用左好幾支都無出粒粒暗瘡的問題。 它的防曬及抗敏的效果唔錯，市面上某D防曬會有好大濃烈的味道，而且擦係眼附近時會"薰"眼，或當防曬會融化之後入眼，搞到對眼好"拿"好痛，而Curel完全無呢D問題，完成符合抗敏原則，呢個亦係我一直用的原因。而美白效果呢，其實做好防曬已經係美白重要的一大步了，價錢$235 30ml係可接受範圍又係日本製造，我會繼續用佢。

Bioderma呢支紅水已經用過好多支了，真係好好用&方便。開頭係留意到一位台灣醫生初(邱品齊)的Blog中有介紹它的成份簡單溫和，所以之後一路都用它了。我最喜歡它方使易用及清潔力不錯，除左睫毛液外的彩妝都卸到，當然要卸完之後洗多次瞼啦~。而早上我會用它代替我的洗臉程序，抹一抹再過一過水，真係超省時間！另外，我做完微針療程後，頭幾日都係淨用它抹臉咋，因為用洗面膏洗會痛，但係用它抹就唔會痛，仲可以抗敏感，堅好用！

可能因為係設計俾敏感皮膚用，美白成份的濃度不太高及溫和，以防止產生敏感，所以美白的效果對我不大。成份功效係抑制黑色素活動及生長，從而阻止色斑形成，護膚品本來就著重於預防保養，而非治療，需要有耐心長期使用才見成效，從肌膚根本改善色斑。 另外，產品的保濕不錯，最重要係成份無酒精無香料無致粉刺成份，用左不會敏感&出粒粒先係最放心，敏感皮膚可以長期使用。雖然美白效果對我不大，不過用得好安心，使用期間沒有令我出粉刺&敏感。

它的配方不含油份，補水不補油，幾適合我混合性偏油皮膚使用！查成份時發現有小小致粉刺成份(Cetearyl Alcohol)，但有試用過2次，洗完臉後薄薄一層敷過夜，暫時沒有出暗瘡。塗上後質感清爽不算油膩，再加上配方不含香料，令敏感機會降低，敏感皮膚可以試下用。使用後翌日，皮膚望落"漲卜卜"幾有光澤，懶得敷面膜時可用，滋潤效果不俗！

前排Lancome送左新出的升級版Genifique試用，因為未用過舊版，所以兩者無得比較。拎到產品第一件事係去某個成份網查左入面成份先，我好怕擦的產品有粉刺成份搞到生粒粒，而結果新升級版Genifique沒有太大的粉刺成份，油性肌都可用。精華好水潤，擦上面都好快吸引及質感幾清爽，保濕度都唔錯，最重要係用左幾日無粒粒暗瘡。但係緊緻減紋等等功效就暫時未見到，可能試用期太短啦

每天早晚使用份量為1元硬幣，乳液狀精華質地水潤，使用後肌膚感覺保濕度不錯。產品無香料色素酒精，使用內無敏感&無粉刺情況出現，透明感有改善小小，美白成效未知。Curél美白保濕精華無香料色素酒精，可以俾敏感皮膚長期使用。而主要的美白成分「Chamomile ET」，保濕成分「桉樹精華」，抑制黑色素活動及生長，從而阻止色斑形成。 從成份來睇，佢去斑係有效的，但需要比較長的時間配合。護膚品本來就著重於預防保養，而非治療，需要有耐心長期使用才見成效，從肌膚根本改善色斑。

去戶外曬到D頭髮乾哂發黃，呢隻算係方便型的噴霧式護髮素，隨時隨地都可以噴保護頭髮。

試用左3日，效果非常滿意！擦的時候跟住說明書的手勢向上擦上臉，感受到精華面霜滲入肌膚的即時保濕力，而沒有一般抗皺產品的油膩感，感覺滋潤保濕。即使翌日起床後，皮膚依然飽滿有光澤。