Piggyee

踏入初秋, 陽光依然猛烈, 防曬功夫絕對唔能夠偷懶。我自己本身皮膚薄同較白, 曬得多皮膚會敏感同變黑, 甚至會出斑, 所以我每日一定係會搽好防曬先會出門口。 今次試用sofina既高濃度精華防曬乳液 (水潤型), 素顏可以當日霜, 化妝前可以當妝前底霜, 二合為一好方便我呢D懶人。佢本身質地易推又唔乾, 滋潤又唔會覺得痴立立, 好容易吸收, 最重要係唔會泛白, 就算素顏都唔會變女鬼。 佢本身包裝都好貼心, 敎埋你用量同步驟, 就算新手都唔會唔識用。 保濕度 ★★★ 滋潤度 ★★★ 滲透度 ★★★★★ 清爽度 ★★★★ 上妝貼服度 ★★★★

Sofina新出既防曬粉餅採用優化既全天候貼服粉體EX, 質地非常柔滑細緻, 就算係乾燥既季節或者睡眠不足既早上, 亦能夠柔滑伸展, 均勻緊貼肌膚。而我本身毛孔比較粗大, 打圈咁上呢隻粉就可以將我本身既毛孔隱形, 同埋好好咁遮蓋面上的血管同暗瘡印, 均勻膚色, 而且一D都唔覺得乾。 當我化左妝出左成日街後, 面上既妝容都無溶化, 真係可以做到持久十小時既效果, 真令人意外。 而新出既呢個限量粉盒, 有一棵棵盛放的小雛菊交織出優美既圖案, 每朵花點綴著粉紅閃石, 絢麗可愛, 很girlish呀~~~ 而粉盒本身設計得很貼心, 粉格上有一塊透明膠片遮蓋粉底, 唔怕拎住粉盒化妝時手指掂到粉底 (因為我成日手指都掂到D粉~) (補充裝連粉撲, HKD 290 / 9g 全7色) (限量設計粉盒, HKD 100) 易推度 ★★★★ 柔滑度 ★★★★ 保濕度 ★★★★ 清爽度 ★★★ 滋潤度 ★★★ 均勻度 ★★★★ 貼服度 ★★★★

秋冬天比較乾燥, 皮膚容易缺水, Primavista呢隻猶如精華般既底霜可以立即為皮膚做好補水, 化妝同時護膚, 蘊含嶄新高保濕精華配方, 即時淡化幼紋和乾紋, 長時間防止因乾燥而導致的肌膚粗糙和浮粉,長久保持滋潤柔滑既完美妝容。 本身佢係無顏色, 唔會影響之後既面色。而且佢仲係補妝好幫手, 只要在特別乾燥既位置塗些少底霜再補妝, 可以令肌膚即時回復水潤剔透, 妝感更自然貼服。 易推度 ★★★★★ 柔滑度 ★★★★ 保濕度 ★★★★★ 清爽度 ★★★ 滋潤度 ★★★★ 均勻度 ★★★★★ 貼服度 ★★★★★

我一向都好喜愛用卸妝油, 因為覺得油可以卸得好乾淨, 但又好怕一D洗極都好油既產品, 所以我一定之後會再用洗面膏洗多次。今次俾我遇到呢隻卸任油, 真係超大愛!!! 產品採用"自動化水油卸妝結構", 具親水親油的特性, 高潔淨力油能有效緊貼化妝品污垢, 同時水份易溶於水, 所以沖洗後油分及污垢唔易殘留於皮膚上, 就算只用3泵既份量都能將彩妝完全溶化, 之後唔再用潔面用品, 皮膚都感覺非常乾淨。 落妝時只要輕輕打圈就能將妝容快速浮起, 無須用力摩擦都能卸除乾淨, 唔會為肌膚加添負擔。 產品本身含有高達35%高濃度精華成分, 為肌膚保持滋潤又可抗老化, 用後肌膚唔會感覺繃緊, 保持水潤柔滑。 潔淨度 ★★★★★ 保濕度 ★★★★ 隨後使用護膚品滲透度 ★★★★ 清爽度 ★★★★

用完係好濃密,但就好重身好易"dup",好易乾...

用在眼位唔乾,正~

皮膚性質:混合性偏乾帶敏感 一直以來無論用平定貴既護膚品,效果都唔係咁好,keep住用就冇咩事,一日唔用皮膚就打回原形........自從用上clinique之後,皮膚得到改善,之前我洗完面上完toner後只用moisture surge,效果一般,後來去counter問ba,佢地叫我用埋ddml打底先上moisture surge會好好多,結果keep住用一個用真係好左好多....你會發現如果only塗moisture surge,好似推好耐先吸收,但用埋ddml打底就好快推開