goodyspanner

我覺得好保濕喎,以呢個價錢真係好正呀.

我覺得好貼同都幾潤喎, 不過控油就一般喇.

好薄,好滑,好貼,個盒又靚,真係無得彈,兼且保濕度好高.

好正! 好薄同好貼! 我日日化妝, 但一盒用成年都得. 強力推介!

呢隻嘢超平, 但效果一流又易用!係一個專業化妝師介紹我買, 本來都係半信半疑,但連落眼妝都咁乾淨就真係無預期喇!

完全唔掂, 買佢係因為用開佢另一隻過夜mask - Sleep Magic Super-Moist Overnight Mask,覺得超正所以買埋樽眼既嚟用. 但好失望囉, 都唔知扔咗佢定繼續用好!!!

已經忘記咗用到第幾支喇, 我諗無十支都有八支啩, 好方便, 我既皮膚係偏乾既, 就算冬天都唔太乾(當然你話好潤就唔會喇), 而且洗得好乾淨 (我有化開妝既,無特別再用其它嘢落妝). 多收喺Sogo買, 啲服務好好, 由始至終佢哋都係以唔hard sell見稱,所以幾好.

個packing真係超靚! 質地好潤,呢個價錢算係Lola啲化妝品裡面最平嫁喇!

係好正,但真係好鬼囉,咁細樽都要三百幾...

睇雜誌介紹買咗,但係好白,如果皮膚唔係咁白既人搽咗會好怪好唔自然.

唔係好得！推介Ｒｅｇｅｎｅ既，真係會保濕好多。

好正！已經用緊第三樽喇，好鬼補濕，連我姪仔啲皮膚爆拆，用咗一個星期都好番，仲好鬼滑添。以咁既價錢簡直係超值。

用緊個sample，但係唔錯喎，啲皮膚靚咗同埋幾保濕，以咁既價錢算抵用，唯一唔好既係無防曬功能。

唔好用！好"立"，感覺似十年前嗰種"好立"既sunblock，實際效果如何就唔知喇，因為買Revital Moisturizer（反而呢隻嘢好保濕，幾正！）時個sales送俾我既sample（因為想試吓佢哋新既防曬產品），用兩次就用完個sample pack。但真係超"立"囉！

無預期可以去黑眼圈,只望可以去皺,效果都可以.睇落平滑咗.但覺得價錢略貴.尤其Regene啲嘢不嬲都幾平.

四個字: 名過其實! 唔覺得有顯著效果, 但超貴仲有比較難聞. 有人話要用28日停28日再用,但我都停咗用佢, 因為發覺其它牌子個效果仲好.

用緊支sample, 效果几好, 唔"立"但又好保濕. 但唔知買一大支用得長時間啲會唔會都係咁好. 因為好多時一轉產品效果會好明顯, 但過一排又無咩效果喇.

我係喺銅鑼灣SOGO買既,服務OK喎.至於呢隻嘢我都覺得幾好用, 用完感覺幾清爽同乾淨.

我諗每個人鍾意ge味道都唔一樣,但我真係覺得呢隻野好掂。我對手本來好多紋同好乾,用過好多唔同牌子hand cream都唔掂,直到用呢隻,完全改善晒。而家隻手睇落young左好多。全力推介俾同我隻手一樣咁乾ge人!

白色嗰邊真係好似有比較明顯ge效果,啲紋即刻少咗好多,有緊緻效果.不過用第二樽就覺得唔得喇,可能所有護膚品都真係要keep住換.