BiBiMeow

可能髮質唔同,我覺得好差,我做咗數碼曲髮,用開salon買嘅Styling Cream,見呢隻價錢唔貴就買嚟試吓,點知都出唔到我原本嘅卷曲效果,成個髮型走晒樣,d頭髮漿住又"鞋"又笠,要即刻洗頭,用番原來嗰隻Styling Cream至出得街.用咗一次一定唔會再用.我以前都用過詩芬嘅mouse,攪到積晒d殘渣喺頭髮用咗一個星期就勁甩頭髮,後來要用neutrogena隻anti residue洗頭水洗足幾次至乾淨,今次唔信邪又中招,以後都唔會用詩芬嘅產品.

試過sample,一搽上面都唔知係酒精定薄荷(我就覺得似薄荷多啲),好唔舒服,搽咗少少就成包sample扔咗.

嗰日喺laneige買開嘢搭多枝lip treatment,估唔到幾好用,我嘴唇好敏感,好多牌子都唔搽得,搽有色唇膏前要用潤唇膏打底,否則會敏感甩皮甚至爛嘴.用咗Kose隻lip cream好多年,效果好但飲啖水就甩晒又乾番,搽咗laneige呢隻lip treatment,個嘴唇即刻好潤,保濕可以keep到較長時間,改善咗嘴唇勁乾嘅問題.