NicNic

今個月又有新品試用，這次試的是袁彌明姐推介的澳洲品牌Synergie Skin幹細胞激生面膜！核心最正當然係可以令「幹細胞激生」嘅功效啦，因為NicNic知道想皮膚好，細胞健唔健康真係好重要！面膜蘊含「海洋萃取多糖環」成份，有效刺激幹細胞生長自我修復細胞，減淡細紋並深層修復受損肌膚，同時提升肌膚本身細胞免疫力，真係好啱我呢啲過咗25歲，新陳代謝開始減慢的人使用，女人想靚真係要及早做定細胞修復、抗氧保養的護理，與其等皮膚慢慢變差，不如提早做好準備！加上Synergie Skin同其他澳洲產品一樣，護膚成份夠天然，有麥盧卡蜂蜜、加拿大柳葉、乳木果油、金盞花油以及燕麥等成份，有助刺激膠原蛋白增生，提升滲透力、抗氧化、減輕肌膚紅腫炎症，大大增加NicNic對產品的信心！ 先講包裝先！實而不華，啡色設計，貫徹澳洲大自然的風格XD，佢果個瓶口設計採用密封泵口，要幾多泵幾多，用得乾淨企理！ 味道方面，我覺得好似食得一樣，可能因為有蜂蜜及燕麥的原故吧…香得嚟好天然！ 質感，CREAM狀質地，屬於滋潤型，塗上皮膚時感覺有一層膜般，不太清爽，可是對皮膚也不算太大負擔。敷的時間只是30分鐘，還可以接受！可是要敷足8個小時…我就不行啦~LOL雖然是有SLEEPING MASK功效，但是個人比較喜歡晚上睡覺時清爽一點，太過油膩怕會影響睡眠質素！ 用後感:除了質感比較滋潤之外，敷上面時沒有甚麼不適感覺，即使每晚開冷氣後翌日起床皮膚也沒有乾燥繃緊感，這一點比較有深刻印象。頭一二次使用後，摸摸自己皮膚也沒有特別大分別，可是連續使用了1個星期左右，似乎減少了出現皮膚敏感情況，我明白要把受損細胞修復到健康狀態，的確需要多點時間，想看到效果似乎還要再試多一陣子吧！要看到成果，各位姊妹繼續耐心等待吧！ ❤IG❤nicnicheung ❤FACEBOOK FANSPAGE❤cheungnicnic

Mask對於女人嚟講永遠唔怕多！尤其聽到有「保濕」呢2個字，雙眼簡直發光！所以收到She.com寄嚟來自美國紐約專業護膚品牌 PeterThomasRoth 皇牌產品青瓜舒緩保濕面膜時，忍唔住要即刻試用，因為一早聽講呢個面膜具有深層保濕及舒緩功效，能迅速軟化肌膚，用後肌膚柔滑亮澤，唔試又點對得住自己！ 一打開就見到盒綠色狀嘅gel Mask，晶瑩剔透好靚啊！最初見到主要成份話有青瓜時，我仲以為佢會有好勁嘅青瓜味…點知一聞先發現，原來冇咩味道XD~幾天然喎！不過最近自己啲皮膚有少少敏感啊~好易泛紅同出粒粒，所以第一次試用時就試上手先！輕輕塗上手背，覺得幾舒服，敷咗一陣之後都仲覺得佢好水潤！敷咗10分鐘左右，就用清水洗淨，無敏感情況出現，摸上去肌膚好似柔滑濕潤咗，而且仲涼浸浸，好啱夏天用~真喺唔錯！ 講到啱夏天用，將青瓜舒緩保濕面膜放入雪櫃用仲正！有助控油同收細毛孔，日日用都得！如果遇到敏感嚴重日子、日曬後或者做完treatment，NicNic就非常建議大家厚敷，舒緩紅腫痕癢好work！ 不過仲有兩點更加正，第一點就喺呢個面膜可以敷過夜，當Sleeping Mask用~絕對喺我哋懶人最愛~呵呵！第二點就喺呢個gel mask竟然可以敷埋眼!!!!!!!真喺好少可，雪凍時敷落眼，去浮腫一流！朝早上妝前敷一敷，眼妝應該更加sharp醒！ ❤IG❤nicnicheung ❤FACEBOOK FANSPAGE❤cheungnicnic

自己一向都喺SOFINA嘅化妝品捧場客，不過護膚品就比較少用。不過今次試完呢支「科研緊緻修復精華」後，覺得唔錯！以前試過一啲有LIFTING功效嘅精華，佢哋嘅觸感大多會比較油潤，但SOFINA呢支屬於水潤型，擠一泵夠用全面，可而且隔5分鐘左右已經被皮膚吸收咗，滲透力幾快！而且用完之後，唔會覺得好似有一層野阻住皮膚，即使後續再塗其他精華同CREAM鎖實養份都完全冇問題，好啱潮濕天氣或者怕油笠笠嘅SIS用。 最開心就喺我可以專門用佢對付眼周，表情紋同抬頭紋，輕輕按摩下就搞掂，試咗幾日覺得有少少改善，覺得有少少提升，但如果要見到效果，我自己覺得起碼要試足1個月或以上先見到真正效果，期待！ ❤IG❤nicnicheung ❤FACEBOOK FANSPAGE❤cheungnicnic