Yola Hung

以呢個價錢有咁嘅效果覺得唔錯，將缷妝水倒係化妝棉印係眼上面10秒左右再抹走眼妝，基本上眼線及底妝都缷到，但睫毛液就未可以一次清曬，一邊眼用咗兩片棉感覺都乾淨，而且抺完全面即使冇即時搽番護膚品都未至於覺得皮膚繃緊。

第一張相片左下冇用，右下有用，5分鐘後冇用eyeshadow primer potion嘅眼妝即時印咗眼線嘅顏色上眼蓋，效果非常明顯，而使用後眼妝亦都可以long lasting。

性質溫和，極容易吸收。個人試過薄薄敷一層第二朝瞓醒塊面都出少咗油，厚敷大部份都可以被皮膚吸收。

以我最近皮膚狀況有點不佳嘅情況底下試用2個星期後，其實感覺唔錯，個人鍾意吸收得快嘅產品，而除咗爽膚水、只係用呢支精華嚟計，我覺得保濕度好夠，至於收緊嘅效果又唔夠得特別明顯。

諗住天氣比較乾燥嘅嗰幾日，用咗兩日後，生咗幾粒暗瘡。本嚟我係極少生暗瘡嘅人嚟嘅，可能我啲皮膚唔補得啦。

以前覺得用body lotion第二朝瞓醒皮膚又會開始乾，用body cream潤啲，不過又要等吸收質地又比較「立」。農曆新年前有段時間天氣比較凍，用咗覺得第二朝唔使再額外補lotion 都可以做到保濕效果，而且吸收得快亦都唔會「立」。

收工番到屋企用佢沖個涼覺得真係舒緩到情緒，而且即使唔搽任何body lotion 都唔覺得乾。

質地好滑，不過用嚟做highlight 的話深色咗少少，健康膚色嘅人比較適合。

如果毛孔唔係太粗可以遮得好好，搽完即刻覺得皮膚透白，而且有15度防曬啱曬平時懶得搽防曬又想輕輕遮瑕嘅人。

唇刷值得一讚軟得嚟好易控制，另外唇膏夠實色Matt得嚟唔會覺得乾，亦都唔覺得唇紋明顯咗咗。

吸收唔算快，不過我覺得滋潤度夠得嚟唔會「立」黐黐。

連mascara 都可以卸得好乾淨，即使冇即刻搽爽膚水及cream都唔會覺得乾。

可能唔算用得耐，只係用咗幾日，又或者係期望太高，聽講效果好明顯，不過個人感受不大。

坦白講我從來冇用過SK-II, 用咗R.N.A 5日嘅感受係：不得不讚下佢。原因係，近日工作關係睡眠不足，毛孔走曬出嚟，而即使係咁差嘅情況底下用咗佢後毛孔擴張情況改善咗。 質感確實易推唔會「立黐黐」，容易吸收。