JanJan

第一次接觸呢個澳洲醫學美容品牌synergie skin,沒有fancy既包裝，揸上面第一感覺良好，質地係好rich既cream, 感覺好滋潤，不過夏天用就會有d痴立立，事關我岩岩做完laser facial,皮膚極需要補水，所以我就一連8晚都fu呢個masquerase睇下佢個效果。每晚我都厚fu 30分鐘，每次用大概10~12 pump, fu左大概10分鐘之後，cream變成好似油咁既質地，洗面後皮膚即時潤左好多同變得有光澤，連續使用8日，皮膚水份有所提升，我發覺原本想谷暗瘡，第二日都未谷出來就經已開始謝，傷口亦都快左好，未至於有驚人效果，不過都令人滿意。 總括黎講修復同補濕功效都令人滿意,不過感覺份量不多，每次如果厚fu,應該會好快用晒。暫未試過overnight fu,因為感覺好油，怕會整污糟張床。價錢略嫌a bit over priced.

個人黎講最buy cream/gel mask, 多多都唔怕多，我屋企長期有幾支看門口，今次試用呢個青瓜面膜，一打開有淡淡青瓜味，幾清新，搽上面冰冰涼涼好清爽。gel mask仲有樣好，搽多搽少自己控制到，全方位照顧到每一寸肌膚。呢隻mask表現理想，保濕唔錯，洗完面之後feel到塊面吸左水，第2日瞓醒上粉都貼d! 不過覺得價錢略貴。

必須講從未使用過sofina的護膚品，買得最多係佢既base同防曬，亦不停回購。今次見到，都有認真睇下佢既科研技術，令我對「彈力」有更深既認識。一直以為年紀越大就要想盡辦法留住膠原蛋白，原來留住「彈力線狀纖維」先至係皇道。 質地柔滑，同一般精華冇太大分別，搽左之後亦好快吸收，紋亦減淡左，保水度亦ok，總括黎講中規中矩，感覺還好。

冇特定搽lotion既習慣，不過偏好香味既lotion,感覺會refreshing d,尤其是我最愛既lavender味，所以一聞到呢個lotion就勁like! 滋潤就梗架啦，唔立之餘亦做到滋潤效果。最正係可以幫到舒緩神經，再加上少少既按摩，不出10秒即刻入睡，正！

第一次接觸呢個品牌，一打開就好香好relaxing,用落亦覺得好refreshing,舒緩一天工作的疲勞。而家天氣凍又乾燥，用左亦冇周身㾗，都ok滋潤。感覺不俗呢！

上年冬天開始就極乾燥，本來幾抗拒用護膚油既我，係苦無保濕之下，都忍唔住要衝破心理關口，潤返下。我首先以面膜形式咁用，即係用大概十幾廿滴份量既油厚fu 半個鐘，再用面紙抺走多餘既油，成塊面立即潤晒，急救用一流。 今次呢支skII 係2合1,質地唔會勁油，份子比較細，好快就比皮膚吸收晒，效果即時見到，加落粉底度，令底妝更貼面，正！

呢支primer係sephora都長期熱賣，亦係品牌既classic item,佢有spf 15係一支物理防曬,防曬度唔算高，要等15分鐘先會發揮效用，可能未必符合大部分人要求。但係我估長期熱賣都應該一定有佢既原因，因為真係好透薄，滑溜同吸油，油面人大愛！搽左之後膚色白左少少，變得好氣色左，毛孔亦不再顯眼，感覺良好！

hourglass 之前係美國sephora個陣都有見過，用卻是第一次，今次呢個finishing powder個shade略嫌深色左少少，粉質冇特別，可以用作eyeshadow打底，總結覺得不過不失。

以前因為工作關係，全妝是必須的，唔搽唇膏更加係死罪。近年，轉左工個人懶左化少左全妝，更何況搽唇膏？ 紅色唔容易carry,不過唔知係咪受到巴黎女孩影響，亦都可能係因為taylor swift,覺得紅唇好鬼正。要紅唇搽得好睇，個睇妝一定唔可以濃，劃條粗眼線已經好夠。 好，廢話講完，入正題先，本人冇咩買過liquid lipstick, 原因好簡單 ~ 唔夠潤！今次第一次接觸呢個品牌，呢支liquid lipstick又ok wor, 唔係好杰，幾好推，超上色，好少已經夠搽成個咀，不過建議用掃上或者用手指印開會均勻好多！上咀後，像色度高，亦唔乾，持久度都唔錯，細細支好方便，我諗我會成日帶住佢！

咁又一年，最近大家都不停做回顧，講下自己過去既一年既得失，都令我回想返過去一年既經歷，亦令我成長不少。以前感覺3字頭係好遠既事，而家感覺20歲的自己仲好似係尋日既事咁，不過冇得唔認老，無論心智幾young,皮膚都唔會俾面你，絕對唔講大話，加上外在種種因素，大大不如前，所以我都開始更放開懷抱，接受一d之前唔會用既品牌，因為塊面堅係乾到冇朋友。 好似sk-ii(我會叫佢做貴婦brand)咁，有返咁上下價錢，一直都唔捨得試，之前有幸得到R.N.A Power試用set,連埋皇牌神仙水一齊用，補水效果亦令人滿意，呢支神仙水亦令到之後既skincare steps更事半功倍，初初用都有少少拮拮地，因為皮膚非常缺水，用多幾次之後發覺成膚冇咁乾，水油比例變得比較平衡，化妝之後都比之前keep得耐少少，表現都令我滿意。

1連3日聖誕假完滿結束，呢幾日又去party又去camp，忙過返工！我其實一直都係bicelle既用家，因為都有用開醫美產品，而b5 gel更係不可或缺，蘊含基本的透明質酸及維他命 B5，質地似水狀，有效將水份迅速滲進表皮層，瞬間補水，之後再用b5 cream鎖住水份，令肌膚keep住水潤，保水力一流而不「立」，男女啱用！而佢既b5 mask更加係我既至愛，我會放入雪櫃雪凍佢，3D cutting勁貼面，不但可以極速補水，冰涼感覺更可輕輕收埋毛孔，簡直係party後recharge既佳寶！

韋醫生系列細細個中學時已經用過，仲要成set用勁豪！冇回購係因為之後冇錢再買，今次新出紓緩水，勁期待試用。自己一直有用開卸妝水，因為覺得乾淨又快捷，今次呢支亦貫徹住韋醫生系列的成份，原有的六大經典綜合菇菌配方及草本成份：榆菇、冬蟲夏草、靈芝、薑根、薑黃及聖羅勒，一打開就聞到一陣淡淡的草藥味，說真的，好睇你buy唔buy個陣味，我自己就覺得還可接受喇。今次重點加入抗衰老植物因子水仙百合球莖萃取以及多種植物保濕成份，做到卸妝同時保濕，絶無刺激，值得一試！

近排忙到要死，平時已經冇咩閒情護膚，我呢個禮拜更加係冇fu過mask.....皮膚變得死氣沉沉！今日終於忍唔住要的起心肝，試試呢個RNA POWER，睇下佢有幾powerful! 隨著年紀漸長，心境幾後生都冇用，皮膚唔等人呀，越來越乾，呢排更是乾到裂。以前覺得SK-II係貴婦護膚品，好似太rich好黏。今次一用，發覺質地好易推，好快吸收，質地有d似cream加toner既感覺，保濕效果不錯。極期待試耐d幼紋會減淡！