D蝦

紅唇烈焰極待撫慰～柔情欲望迷失得徹底～ 一個真女人的確唔少得一條烈焰紅唇，無論約會、party、大時大節，一條紅唇除了增加女人味，仲可以將目光集中至性感朱唇，同時可以係整個妝容既發光位。 第一次試用Opaque Rouge Liquid Lipstick，creamy易搽，水潤易推，非常上色。如果想多一個玩法，可以加上少少遮暇，立即變成少女粉紅、迷人Pink Lady！

對神仙水入門新手既我黎講，除左湯唯之外，真的從零開始認識。試用幾天，神仙水的確發揮到神效，之前毛孔大到可以裝水，現在已經輕微收緊，而且暗瘡印都減淡。 但神仙水蘊含超 過 90% 的PITERA天然酵母，氣味非一般獨特，需要點時間去適應。為了他朝變湯唯，還是值得的！

Origins呢隻「撲火」系列 (靈芝菇菌抗逆健膚紓緩水)真係帶畀我驚喜！本身膚質屬於易過敏且泛紅，即使經常臉紅紅都未必係件好事，但自從試用呢隻紓緩水敷臉數日，已經KO左雙頰泛紅、乾到甩皮呢兩大問題，連額頭位剛起紅腫的暗加瘡仔都慢慢減淡同鎮靜，真的需要即always keep一支係身邊。有紅降紅，無紅保濕！

崇尚天然既人，很自然會愛上Origins，他們不會霸道的改變你的膚質，本質溫和！首次試用靈芝菇菌抗逆健膚潔面水，卸力方面一般，如預期一樣潔力不會太高，又或者是姐的妝太厚，待遇....一般淡妝都能應付自如，但對於較深色／實色眼線還沒卸得到肉．值得一讚的是用後唔會太乾或太油，清爽而不痴立立！

無論春夏秋冬，我最需要、最離唔開只有一樣野－保濕！可能抽得人水多，報應自己身上特別乾，經常乾到甩皮或者上妝後裂開，所以用咩產品之前，我最大考慮都係夠唔夠水。第一次試Bicelle B5，未用之前已經聽過佢保濕做得出色，用後的確鼻位旁邊無再甩皮，而且額頭本身乾到裂開位置都消失，最岩冬天一劑急救，非常見效！另外，倒開包裝，mask入面勁多精華，用唔哂裝起雪住隔晚再茶，岩哂我呢類慳錢婆仔！

所謂：你的樣子如何，你的日子也必如何。 女人到了25歲，大限開始倒數。踏入27歲的我已經輸在起跑線上，聽到肌膚老化、鬆馳真係巧驚驚。為左人到中年，依然可以如女神湯唯、美魔女海媚姐一樣凍顏不老，我開始試用人生第一支SK-II－R.N.A.立體緊緻精華霜。 試用幾天，神仙水的確發揮神效，毛孔由之前大到可以裝散銀到而家輕微收緊，但神仙水氣味獨特，新手如我需要更多時間去適應。 至於整個套裝波膽R.N.A.立體緊緻精華霜，cream易推但一粒珍珠份量的確唔太夠 (對於我呢類16:9大面女黎講)，稍稍消水腫同光滑左，但未夠滋潤，特別係乾燥到裂開既冬天，加上dry爆敏感如我，每次用都有點”那那地”，的確未夠水潤保濕，或者我係需要一支大水喉射住我 XD